मुंबई-पुणे एक्स्प्रेस वेवर मोठी वाहतूक कोंडी

मटा ऑनलाइन वृत्त। पुणे

मुंबई-पुणे एक्स्प्रेस वेवर बोरघाटात ट्रेलर आणि होंडा सिटी कारचा अपघात झाल्यामुळे पुण्याकडे जाणारी वाहतूक ठप्प होती. वाहतूक को़डी झाल्यामुळे एक्स्प्रेस वेवर वाहनांच्या प्रचंड रांगा लागल्या. ही कोंडी फोडण्यासाठी एक्स्प्रेस वेवरील वाहतूक जुन्या महामार्गाने वळवण्यात आली.

बोरघाटात झालेल्या ट्रेलर आणि कारच्या अपघातात तीनजण गंभीर जखमी झाले आहेत. जखमींना खोपोलीतील एका खाजगी रुग्णलयात दाखल करण्यात आलं. मात्र काही वेळाने जखमींची प्रकृती खालावल्याने त्यांना पुढील उपचारासाठी मुंबईत हलवण्यात आले आहे.