शूटिंग केल्याबद्दल मारहाणीची आयुक्तांकडे तक्रार
म. टा. प्रतिनिधी, पुणे
वाहतूक पोलिसांच्या कारवाईचे मोबाइलवर चित्रिकरण करणाऱ्या नागरिकाला चौकीत नेऊन मारहाण केल्याची तक्रार करण्यात आली आहे. गेल्या काही दिवसांत पोलिसांची कारवाई हा संपूर्ण शहरात चर्चेचा विषय ठरला असतानाच हा प्रकार पुढे आल्यामुळे खळबळ उडाली आहे. नरवीर तानाजी मालुसरे रस्त्यावर (सिंहगड रोड) ही घटना घडली.
या बाबत हेमंत मर्दा यांनी पोलिस आयुक्त रश्मी शुक्ला यांच्याकडे तक्रार केली आहे. सिंहगड रस्त्यावरील वडगावपुलानजीक वाहतूक पोलिसांनी मर्दा यांना अडविले आणि सिग्नल तोडल्याबाबत दंड भरण्याची मागणी केली. आपण सिग्नल तोडला नसल्याचे मर्दा यांचे म्हणणे होते. मात्र, पोलिसांनी न ऐकल्यामुळे आपल्याला दंड भरणे भाग पडले, असे त्यांनी तक्रारीत म्हटले आहे. मात्र, या भागात वाहतूक पोलिस फक्त नागरिकांकडूनच दंडवसुली करीत होते. त्यांच्यासमोर अनेकजण नियमांचे उल्लंघन करीत होते, काही जण चुकीच्या दिशेने वाहन दामटत होते, तर काहीजण झेब्रा क्रॉसिंगवर उभे होते. मात्र, त्यांच्यावर काहीच कारवाई होत नव्हती. त्यामुळे आपण वाहतूक नियंत्रण कक्षास फोन केला आणि या प्रकाराचे शूटिंग पाठविता येईल का, असे विचारले. तेथून होकार आल्यानंतर आपण शूटिंग सुरू केले. मात्र, हे पाहिल्यावर तेथून आपल्याला वाहतूक चौकीत नेण्यात आले आणि तेथे बेदम मारहाण करण्यात आली आणि सरकारी कामात अडथळा आणल्याची कारवाई करण्याची धमकी दिली, तसेच आपल्यावर दबाव आणून जबाबही लिहून घेण्यात आला, असेही मर्दा यांनी तक्रारीत म्हटले आहे.
‘व्हॉट्सअॅप नंबर तयार करा’
मोबाइलवर शूटिंग केल्याबद्दल नागरिकांना मारहाण करणे कायद्यात बसत नाही. अशा घटनांमुळे पोलिसांविषयी रोष वाढू शकतो, त्यामुळे या घटनेची निष्पक्ष चौकशी करून दोषी अधिकाऱ्यांवर कारवाई करावी, अशी मागणी विवेक वेलणकर, विश्वास सहस्त्रबुद्धे, जुगल राठी आणि अझहर खान यांनी पोलिस आयुक्तांकडे केली आहे. तसेच पोलिसांची प्रतिमा सुधारण्यासाठी पुढाकार घेऊन नागरिकांना मोबाइल शूटिंग पाठविण्याचे आवाहन करावे आणि त्यासाठी एक व्हॉट्सअॅप क्रमांक जाहीर करावा, अशीही मागणी त्यांनी केली आहे.
म. टा. प्रतिनिधी, पुणे
वाहतूक पोलिसांच्या कारवाईचे मोबाइलवर चित्रिकरण करणाऱ्या नागरिकाला चौकीत नेऊन मारहाण केल्याची तक्रार करण्यात आली आहे. गेल्या काही दिवसांत पोलिसांची कारवाई हा संपूर्ण शहरात चर्चेचा विषय ठरला असतानाच हा प्रकार पुढे आल्यामुळे खळबळ उडाली आहे. नरवीर तानाजी मालुसरे रस्त्यावर (सिंहगड रोड) ही घटना घडली.
या बाबत हेमंत मर्दा यांनी पोलिस आयुक्त रश्मी शुक्ला यांच्याकडे तक्रार केली आहे. सिंहगड रस्त्यावरील वडगावपुलानजीक वाहतूक पोलिसांनी मर्दा यांना अडविले आणि सिग्नल तोडल्याबाबत दंड भरण्याची मागणी केली. आपण सिग्नल तोडला नसल्याचे मर्दा यांचे म्हणणे होते. मात्र, पोलिसांनी न ऐकल्यामुळे आपल्याला दंड भरणे भाग पडले, असे त्यांनी तक्रारीत म्हटले आहे. मात्र, या भागात वाहतूक पोलिस फक्त नागरिकांकडूनच दंडवसुली करीत होते. त्यांच्यासमोर अनेकजण नियमांचे उल्लंघन करीत होते, काही जण चुकीच्या दिशेने वाहन दामटत होते, तर काहीजण झेब्रा क्रॉसिंगवर उभे होते. मात्र, त्यांच्यावर काहीच कारवाई होत नव्हती. त्यामुळे आपण वाहतूक नियंत्रण कक्षास फोन केला आणि या प्रकाराचे शूटिंग पाठविता येईल का, असे विचारले. तेथून होकार आल्यानंतर आपण शूटिंग सुरू केले. मात्र, हे पाहिल्यावर तेथून आपल्याला वाहतूक चौकीत नेण्यात आले आणि तेथे बेदम मारहाण करण्यात आली आणि सरकारी कामात अडथळा आणल्याची कारवाई करण्याची धमकी दिली, तसेच आपल्यावर दबाव आणून जबाबही लिहून घेण्यात आला, असेही मर्दा यांनी तक्रारीत म्हटले आहे.
‘व्हॉट्सअॅप नंबर तयार करा’
मोबाइलवर शूटिंग केल्याबद्दल नागरिकांना मारहाण करणे कायद्यात बसत नाही. अशा घटनांमुळे पोलिसांविषयी रोष वाढू शकतो, त्यामुळे या घटनेची निष्पक्ष चौकशी करून दोषी अधिकाऱ्यांवर कारवाई करावी, अशी मागणी विवेक वेलणकर, विश्वास सहस्त्रबुद्धे, जुगल राठी आणि अझहर खान यांनी पोलिस आयुक्तांकडे केली आहे. तसेच पोलिसांची प्रतिमा सुधारण्यासाठी पुढाकार घेऊन नागरिकांना मोबाइल शूटिंग पाठविण्याचे आवाहन करावे आणि त्यासाठी एक व्हॉट्सअॅप क्रमांक जाहीर करावा, अशीही मागणी त्यांनी केली आहे.