म. टा. प्रतिनिधी, पुणे
शंकरशेठ रस्त्यावरील मीरा सोसायटीजवळ चालत्या रिक्षावर झाड कोसळल्याची घटना शनिवारी सायंकाळी घडली. यामध्ये रिक्षाचालकासह शेजारील बस स्थानकावर उभी असलेली व्यक्ती जखमी झाली. झाड कोसळल्याने रस्त्यावर वाहतूक कोंडी झाली होती. अग्निशमन दलाच्या जवानांनी झाड बाजूला करून रस्ता मोकळा केला.
अस्लम खान जलालुद्दीन खान पठाण (वय ४०, रा. नाना पेठ) व हितेश्वर हेमंत सकटे (वय ३१, रा. भेकराईनगर, हडपसर) अशी जखमी झालेल्यांची नावे आहेत. पठाण हे शनिवारी सायंकाळी चारच्या सुमारास रिक्षा घेऊन शंकरशेठ रस्त्याने हडपसरच्या दिशेने जात होते; तर हितेश्वर सकटे हे मीरा सोसायटीसमोरील बस स्थानकावर बसची वाट पाहत थांबले होते. त्या वेळी सोसायटीतील झाड अचानक कोसळले. त्या वेळी पठाण यांची रिक्षा तेथून जात होती. झाड रिक्षावर व सकटे यांच्या अंगावर कोसळले. यामध्ये दोघेही जखमी झाले. तसेच, रिक्षाचा चुराडा झाला. अग्निशमन दलाचे अधिकारी राजाराम केदारी, जवान मंगेश मिळवणे, अरुण धनावडे, सुनील टेंगुळे, योगेश चोरगे, चालक हनुमंत कोळी यांनी झाड हटविले.
झाड कोसळून दोघे जखमी
सोमवार पेठेतील राजर्षी शाहू जलतरण तलावात सोमवारी सकाळी झाड कोसळून दोघे जण किरकोळ जखमी झाल्याची घटना घडली. या वेळी तिथे जास्त नागरिक नसल्यामुळे मोठी दुर्घटना टळली. कम्पाउंडजवळ असलेले मोठे झाड सकाळी आठच्या सुमारास अचानक कोसळले. या वेळी त्या ठिकाणी उभ्या असलेल्या दोन व्यक्ती जखमी झाल्या आहेत. सुदैवाने कोणतीही मोठी जीवितहानी यात झालेली नाही.
शंकरशेठ रस्त्यावरील मीरा सोसायटीजवळ चालत्या रिक्षावर झाड कोसळल्याची घटना शनिवारी सायंकाळी घडली. यामध्ये रिक्षाचालकासह शेजारील बस स्थानकावर उभी असलेली व्यक्ती जखमी झाली. झाड कोसळल्याने रस्त्यावर वाहतूक कोंडी झाली होती. अग्निशमन दलाच्या जवानांनी झाड बाजूला करून रस्ता मोकळा केला.
अस्लम खान जलालुद्दीन खान पठाण (वय ४०, रा. नाना पेठ) व हितेश्वर हेमंत सकटे (वय ३१, रा. भेकराईनगर, हडपसर) अशी जखमी झालेल्यांची नावे आहेत. पठाण हे शनिवारी सायंकाळी चारच्या सुमारास रिक्षा घेऊन शंकरशेठ रस्त्याने हडपसरच्या दिशेने जात होते; तर हितेश्वर सकटे हे मीरा सोसायटीसमोरील बस स्थानकावर बसची वाट पाहत थांबले होते. त्या वेळी सोसायटीतील झाड अचानक कोसळले. त्या वेळी पठाण यांची रिक्षा तेथून जात होती. झाड रिक्षावर व सकटे यांच्या अंगावर कोसळले. यामध्ये दोघेही जखमी झाले. तसेच, रिक्षाचा चुराडा झाला. अग्निशमन दलाचे अधिकारी राजाराम केदारी, जवान मंगेश मिळवणे, अरुण धनावडे, सुनील टेंगुळे, योगेश चोरगे, चालक हनुमंत कोळी यांनी झाड हटविले.
झाड कोसळून दोघे जखमी
सोमवार पेठेतील राजर्षी शाहू जलतरण तलावात सोमवारी सकाळी झाड कोसळून दोघे जण किरकोळ जखमी झाल्याची घटना घडली. या वेळी तिथे जास्त नागरिक नसल्यामुळे मोठी दुर्घटना टळली. कम्पाउंडजवळ असलेले मोठे झाड सकाळी आठच्या सुमारास अचानक कोसळले. या वेळी त्या ठिकाणी उभ्या असलेल्या दोन व्यक्ती जखमी झाल्या आहेत. सुदैवाने कोणतीही मोठी जीवितहानी यात झालेली नाही.