म. टा. प्रतिनिधी, पुणे
राज्यातील विविध भागांमधून पुण्याच्या भुसार विभागात तूर डाळीची आवक झाली. त्या तुलनेत मागणी कमी असल्याने गेल्या आठवड्याच्या तुलनेत ५०० रुपयांची घट झाली आहे. लाखोली डाळीची चोरी छुपे विक्री होत असली, तरी त्याचा बाजारपेठेवर परिणाम होत नसल्याचा व्यापाऱ्यांचा दावा आहे.
मध्यंतरी तूर डाळीचे दर गगनाला भिडले होते. त्यावेळी चोरी छुपे तूर डाळ म्हणून लाखोली डाळ विकली जात होती. ग्राहकांना स्वस्तात डाळ मिळत असल्याने त्याची खरेदी केली जात होती. परंतु, ग्राहकांची फसवणूक होत होती. लाखोळीची लागवड, साठा आणि विक्रीवरील बंदी केंद्र सरकारने हटविल्यामुळे इतर बाजारपेठांमध्ये त्याचा परिणाम दिसू लागला होता. मार्केट यार्डातील भुसार विभागात सध्या लातूर, अकोला भागातून तूर डाळीची आवक होत आहे. देशात १७० लाख टनापर्यंत उत्पादन होणार असून सध्या बाजारात नवीन तूर डीळीची आवक मोठ्या प्रमाणावर होत आहे. मागणी कमी असल्याने तूर डाळीचे दर घसरले आहेत, असे नितीन नहार यांनी सांगितले.
सध्या तूरडाळीला क्विंटलला १० हजार ८०० ते १२ हजार रुपये भाव मिळाला आहे. किरकोळ बाजारात एका किलोसाठी ११० ते १२२ रुपयांपर्यंत दर खाली उतरला आहे. दर वर्षी मूग डाळीचे भाव तुरीपेक्षा अधिक असतात. परंतु, मूग डाळीचे उत्पादन वाढल्याने किलोसाठी ९० रुपये मोजावे लागणार आहेत. मसूर डाळीला ५५ ते ५८ रुपये किलो, तर चणा डाळीला ५४ ते ५६ रुपये दर मिळाला आहे. नजीकच्या काळात तूर डाळीचे दर आणखी खाली उतरण्याची शक्यता असल्याचे नहार यांनी सांगितले.
राज्यातील विविध भागांमधून पुण्याच्या भुसार विभागात तूर डाळीची आवक झाली. त्या तुलनेत मागणी कमी असल्याने गेल्या आठवड्याच्या तुलनेत ५०० रुपयांची घट झाली आहे. लाखोली डाळीची चोरी छुपे विक्री होत असली, तरी त्याचा बाजारपेठेवर परिणाम होत नसल्याचा व्यापाऱ्यांचा दावा आहे.
मध्यंतरी तूर डाळीचे दर गगनाला भिडले होते. त्यावेळी चोरी छुपे तूर डाळ म्हणून लाखोली डाळ विकली जात होती. ग्राहकांना स्वस्तात डाळ मिळत असल्याने त्याची खरेदी केली जात होती. परंतु, ग्राहकांची फसवणूक होत होती. लाखोळीची लागवड, साठा आणि विक्रीवरील बंदी केंद्र सरकारने हटविल्यामुळे इतर बाजारपेठांमध्ये त्याचा परिणाम दिसू लागला होता. मार्केट यार्डातील भुसार विभागात सध्या लातूर, अकोला भागातून तूर डाळीची आवक होत आहे. देशात १७० लाख टनापर्यंत उत्पादन होणार असून सध्या बाजारात नवीन तूर डीळीची आवक मोठ्या प्रमाणावर होत आहे. मागणी कमी असल्याने तूर डाळीचे दर घसरले आहेत, असे नितीन नहार यांनी सांगितले.
सध्या तूरडाळीला क्विंटलला १० हजार ८०० ते १२ हजार रुपये भाव मिळाला आहे. किरकोळ बाजारात एका किलोसाठी ११० ते १२२ रुपयांपर्यंत दर खाली उतरला आहे. दर वर्षी मूग डाळीचे भाव तुरीपेक्षा अधिक असतात. परंतु, मूग डाळीचे उत्पादन वाढल्याने किलोसाठी ९० रुपये मोजावे लागणार आहेत. मसूर डाळीला ५५ ते ५८ रुपये किलो, तर चणा डाळीला ५४ ते ५६ रुपये दर मिळाला आहे. नजीकच्या काळात तूर डाळीचे दर आणखी खाली उतरण्याची शक्यता असल्याचे नहार यांनी सांगितले.