म. टा. प्रतिनिधी, पुणे: विधानसभा निवडणुकीच्या पार्श्वभूमीवर गस्त घालत असताना स्वारगेट एसटी बस स्थानकात पोलिसांनी ५८ लाख रुपये किमतीचा मुद्देमला जप्त केला आहे. या प्रकरणी दोघांना अटक करण्यात आली असून, नंतर त्यांची जामीनावर सुटका करण्यात आली आहे. या दोघांकडून ५८ लाख ५४ हजार ६७० रुपयांचे सोन्या-चांदीचे दागिने आणि रोख रक्कम जप्त करण्यात आली आहे. बुधवारी (१६ ऑक्टोबर) रात्री अकराच्या सुमारास ही कारवाई करण्यात आली. याबाबतची माहिती पर्वती विधानसभा मतदारसंघातील क्षेत्रीय निवडणूक अधिकाऱ्यांसह प्राप्तिकर विभागाला देण्यात आली आहे.
उपेंद्र परमार (वय २१ रा. काळबादेवी रोड, मुंबई) आणि गोरख गोपालसिंग परमार (रा. मंगळवार पेठ, सोलापूर) अशी अटक आणि नंतर सुटका करण्यात आलेल्यांची नावे आहेत. वरिष्ठ निरीक्षक ब्रह्मानंद नायकवडी यांनी दिलेल्या माहितीनुसार, निवडणुकीच्या पार्श्वभूमीवर स्वारगेट पोलिस ठाण्यातील सहायक निरीक्षक शबनम शेख यांच्यासह कर्मचारी बुधवारी गस्त घालत होते. त्या वेळी स्वारगेट बसस्थानकात सोलापूरला जाणाऱ्या बस थांबतात तेथे दोन व्यक्ती संशयास्पदरित्या थांबल्याची माहिती पोलिसांना मिळाली. त्यानंतर पोलिसांनी दोघांना ताब्यात घेऊन त्यांच्याकडे असलेल्या सामानाची तपासणी केली असता, त्यांच्याकडे सोन्या-चांदीच्या दागिन्यांसह रोख रक्कम आढळली. त्यांच्याकडे त्याबाबत चौकशी केली असता त्यांनी समाधानकारक उत्तरे दिली नसल्याचे स्वारगेट पोलिसांचे म्हणणे आहे. त्यामुळे पोलिसांनी त्यांना अटक करून त्यांच्याकडील मुद्देमाल जप्त केला. त्यानंतर जामीनावर त्यांची सुटका करण्यात आली. पोलिस कर्मचारी अभिजीत राऊत, बालाजी पवार, होमगार्ड दीपक गायकवाड, सुधीर शेळके यांच्या पथकाने ही कारवाई केली.
--
उपेंद्र परमार (वय २१ रा. काळबादेवी रोड, मुंबई) आणि गोरख गोपालसिंग परमार (रा. मंगळवार पेठ, सोलापूर) अशी अटक आणि नंतर सुटका करण्यात आलेल्यांची नावे आहेत. वरिष्ठ निरीक्षक ब्रह्मानंद नायकवडी यांनी दिलेल्या माहितीनुसार, निवडणुकीच्या पार्श्वभूमीवर स्वारगेट पोलिस ठाण्यातील सहायक निरीक्षक शबनम शेख यांच्यासह कर्मचारी बुधवारी गस्त घालत होते. त्या वेळी स्वारगेट बसस्थानकात सोलापूरला जाणाऱ्या बस थांबतात तेथे दोन व्यक्ती संशयास्पदरित्या थांबल्याची माहिती पोलिसांना मिळाली. त्यानंतर पोलिसांनी दोघांना ताब्यात घेऊन त्यांच्याकडे असलेल्या सामानाची तपासणी केली असता, त्यांच्याकडे सोन्या-चांदीच्या दागिन्यांसह रोख रक्कम आढळली. त्यांच्याकडे त्याबाबत चौकशी केली असता त्यांनी समाधानकारक उत्तरे दिली नसल्याचे स्वारगेट पोलिसांचे म्हणणे आहे. त्यामुळे पोलिसांनी त्यांना अटक करून त्यांच्याकडील मुद्देमाल जप्त केला. त्यानंतर जामीनावर त्यांची सुटका करण्यात आली. पोलिस कर्मचारी अभिजीत राऊत, बालाजी पवार, होमगार्ड दीपक गायकवाड, सुधीर शेळके यांच्या पथकाने ही कारवाई केली.
--