पुणे: भावावर केलेल्या करणीमुळे त्याचा मृत्यू होऊ शकतो, अशी भीती दाखवून करणी उतरविण्यासाठी खास कबुतरे लागतील, असे सांगितले व ही कबुरते आणण्यासाठी एका व्यक्तीकडून ३ लाख ८० हजार रुपये घेतल्याचा प्रकार कोंढव्यातील मिठानगर परिसरात समोर आला आहे. याप्रकरणी कोंढवा पोलीस ठाण्यात जादूटोणा प्रतिबंधक कायद्यानुसार गुन्हा दाखल करून एका व्यक्तीला अटक करण्यात आली आहे. ( Pune Crime Latest News Update )
वाचा: नोकरी गेल्यानंतर 'तिने' फेसबुकवर आत्महत्येची पोस्ट टाकली आणि...
कोंढवा खुर्द येथील ३६ वर्षीय व्यक्तीने याबाबत तक्रार दिली आहे. त्यानुसार कुतूबुद्दीन नजमी याला अटक करण्यात आली आहे. तर, त्याचा साथीदार हकिममुद्दीन मालेगाववाला यांच्या विरोधातही गुन्हा दाखल करण्यात आला आहे, अशी माहिती कोंढवा पोलीस ठाण्याचे वरिष्ठ निरीक्षक सरदार पाटील यांनी दिली. पोलिसांनी दिलेल्या माहितीनुसार, तक्रारदार अबिझर कुटुंबिय कोंढवा बुद्रूकमध्ये राहण्यास आहेत. काही दिवसांपूर्वी त्यांचा भाऊ आजारी पडला होता. अनेक औषधोपचार करूनही त्याला आराम मिळत नव्हता. त्यामुळे अबिझर यांची आई एका धर्मगुरूकडे प्रार्थना करण्यासाठी गेली होती. त्यावेळी त्या ठिकाणी मालेगाववाला यांच्याशी तिची ओळख झाली. त्यानंतर मालेगाववालाने अबिझर यांच्या आईला फोन करून भावावर उपचार करण्यासाठी एका व्यक्तीस घेऊन येत असल्याचे सांगितले.
वाचा: दिल्लीतील 'या' अधिकाऱ्याच्या नावानं पुणे मेट्रोच्या संचालकांना फोन, म्हणाला...
एकेदिवशी मालेगाववाला व नजमी हे दोघेही अबिझर यांच्या घरी गेले. अबिझर यांच्या भावावर पत्नीने करणी केली असल्याचे नजमी यांनी सांगितले. तुमच्या चांगल्या कामामुळे भाऊ जिवंत आहे पण तो ७५ टक्के 'डेंजर झोन'मध्ये असेही या दोघांनी सांगितले. त्यामुळे अबिझर यांचे कुटुंबीय घाबरले. त्यानंतर त्यांनी यावर दोघांकडे उपायाची विचारणा केली. नजमी आणि मालेगाववाला यांनी अबिझर कुटुंबियांना मुंबईत कबुतरे असून, काळी जादू स्वतःवर घेतात. त्यामुळे सगळा त्रास कमी होतो. मात्र, ही कबुतरे महाग असल्याचे दोघांनी सांगितले. त्यानंतर दोघांनी अबिझर यांच्या भावावरील करणी उतरविण्यासाठी लागणारी कबुतरे आणण्यासाठी तीन लाख ८० हजार रुपये घेतले. पण, आजार काही कमी झाला नाही. त्यावेळी त्यांना हा सर्व फसवणुकीचा प्रकार असल्याचे लक्षात आले. हा प्रकार अंधश्रद्धा निर्मूलन समितीच्या कार्यकर्त्यांच्या कानावर गेला. त्यांच्या मदतीने त्यांनी मंगळवारी रात्री गुन्हा दाखल केला.
वाचा: ज्या दिवशी ब्रेकअप झाला, त्याच दिवशी ३० कोटीची लॉटरी लागली!
वाचा: नोकरी गेल्यानंतर 'तिने' फेसबुकवर आत्महत्येची पोस्ट टाकली आणि...
कोंढवा खुर्द येथील ३६ वर्षीय व्यक्तीने याबाबत तक्रार दिली आहे. त्यानुसार कुतूबुद्दीन नजमी याला अटक करण्यात आली आहे. तर, त्याचा साथीदार हकिममुद्दीन मालेगाववाला यांच्या विरोधातही गुन्हा दाखल करण्यात आला आहे, अशी माहिती कोंढवा पोलीस ठाण्याचे वरिष्ठ निरीक्षक सरदार पाटील यांनी दिली. पोलिसांनी दिलेल्या माहितीनुसार, तक्रारदार अबिझर कुटुंबिय कोंढवा बुद्रूकमध्ये राहण्यास आहेत. काही दिवसांपूर्वी त्यांचा भाऊ आजारी पडला होता. अनेक औषधोपचार करूनही त्याला आराम मिळत नव्हता. त्यामुळे अबिझर यांची आई एका धर्मगुरूकडे प्रार्थना करण्यासाठी गेली होती. त्यावेळी त्या ठिकाणी मालेगाववाला यांच्याशी तिची ओळख झाली. त्यानंतर मालेगाववालाने अबिझर यांच्या आईला फोन करून भावावर उपचार करण्यासाठी एका व्यक्तीस घेऊन येत असल्याचे सांगितले.
वाचा: दिल्लीतील 'या' अधिकाऱ्याच्या नावानं पुणे मेट्रोच्या संचालकांना फोन, म्हणाला...
एकेदिवशी मालेगाववाला व नजमी हे दोघेही अबिझर यांच्या घरी गेले. अबिझर यांच्या भावावर पत्नीने करणी केली असल्याचे नजमी यांनी सांगितले. तुमच्या चांगल्या कामामुळे भाऊ जिवंत आहे पण तो ७५ टक्के 'डेंजर झोन'मध्ये असेही या दोघांनी सांगितले. त्यामुळे अबिझर यांचे कुटुंबीय घाबरले. त्यानंतर त्यांनी यावर दोघांकडे उपायाची विचारणा केली. नजमी आणि मालेगाववाला यांनी अबिझर कुटुंबियांना मुंबईत कबुतरे असून, काळी जादू स्वतःवर घेतात. त्यामुळे सगळा त्रास कमी होतो. मात्र, ही कबुतरे महाग असल्याचे दोघांनी सांगितले. त्यानंतर दोघांनी अबिझर यांच्या भावावरील करणी उतरविण्यासाठी लागणारी कबुतरे आणण्यासाठी तीन लाख ८० हजार रुपये घेतले. पण, आजार काही कमी झाला नाही. त्यावेळी त्यांना हा सर्व फसवणुकीचा प्रकार असल्याचे लक्षात आले. हा प्रकार अंधश्रद्धा निर्मूलन समितीच्या कार्यकर्त्यांच्या कानावर गेला. त्यांच्या मदतीने त्यांनी मंगळवारी रात्री गुन्हा दाखल केला.
वाचा: ज्या दिवशी ब्रेकअप झाला, त्याच दिवशी ३० कोटीची लॉटरी लागली!