पुणे: आज मध्यरात्री सव्वा तीन वाजता कात्रज ते नवले ब्रिजकडे जाणाऱ्या रोडवर एका फियाट कारने जाहिरातीच्या खांबाला जोरदार धडक दिल्याने झालेल्या भीषण अपघातात दोनजण जागीच ठार झाले. या अपघातात कारमधील इतर तिघेजण गंभीर जखमी झाले असून त्यांच्यावर रुग्णालयात उपचार सुरू आहेत.
या फियाट कारमधून पाचजण प्रवास करत होते. मध्यरात्री ही कार नवले ब्रिजच्या दिशेने जात होती. त्यावेळी सिलाई वर्ल्डच्या पुलावर चालकाचे कारवरील नियंत्रण सुटले आणि या कारने समोरच असलेल्या जाहिरातीच्या खांबाला जोरदार धडक दिली. त्यामुळे ही कार पुलावरून २० फूट खाली कोसळल्याने कारचा पूर्ण चक्काचूर झाला असून या भीषण अपघातात आशुतोष यादव आणि त्यांचा एक सहकारी जागीच ठार झाला आहे. तर बी.डी. शिंदे आणि सुशांत पाटील हे दोघेजण या अपघातात गंभीर जखमी झाले असून दिग्विजय शरद महाजन हे किरकोळ जखमी झाले आहेत. या तिघांनाही भारती हॉस्पिटलमध्ये उपचारासाठी दाखल करण्यात आले आहे. दरम्यान, पोलिसांनी घटनास्थळी जाऊन पंचनामा केला असून गुन्हा दाखल केला आहे.
या फियाट कारमधून पाचजण प्रवास करत होते. मध्यरात्री ही कार नवले ब्रिजच्या दिशेने जात होती. त्यावेळी सिलाई वर्ल्डच्या पुलावर चालकाचे कारवरील नियंत्रण सुटले आणि या कारने समोरच असलेल्या जाहिरातीच्या खांबाला जोरदार धडक दिली. त्यामुळे ही कार पुलावरून २० फूट खाली कोसळल्याने कारचा पूर्ण चक्काचूर झाला असून या भीषण अपघातात आशुतोष यादव आणि त्यांचा एक सहकारी जागीच ठार झाला आहे. तर बी.डी. शिंदे आणि सुशांत पाटील हे दोघेजण या अपघातात गंभीर जखमी झाले असून दिग्विजय शरद महाजन हे किरकोळ जखमी झाले आहेत. या तिघांनाही भारती हॉस्पिटलमध्ये उपचारासाठी दाखल करण्यात आले आहे. दरम्यान, पोलिसांनी घटनास्थळी जाऊन पंचनामा केला असून गुन्हा दाखल केला आहे.