पहिल्याच आठवड्यात सर्व तिकीट बुकिंग फुल
म. टा. प्रतिनिधी, पुणे
‘उडेगा देश का आम नागरिक’ (उडान) या योजनेअंतर्गत पुण्या-मुंबईहून जळगाव- नाशिकला सुरू झालेल्या विमानसेवेला पहिल्याच आठवड्यात चांगला प्रतिसाद मिळाला आहे. पुणे, मुंबई येथून नाशिकसाठी येत्या आठवड्यातील पाच दिवसांची सर्व तिकिटे बुक झाली असून, मंगळवारपासून सुरू होणाऱ्या जळगाव-मुंबई सेवेचीही तीन दिवसांची तिकिटे विकली गेली आहेत.
या सेवेचा प्रारंभ २३ डिसेंबरला झाला. या दिवशी पुण्याहून नाशिकला जाण्यासाठीची सर्व तिकिटे बुक झाली होती. त्यानंतर आता २४ ते ३१ डिसेंबर या आठवड्यात २६, ३० आणि ३१ डिसेंबर या दिवसांचे काहीच तिकिटे शिल्लक आहेत. उर्वरित दिवसांची सर्व तिकिटे विकली गेली आहेत. हीच परिस्थिती नाशिकवरून पुण्याला येण्यासाठी आहे. पुण्याप्रमाणे नाशिक-मुंबई-नाशिक मार्गावर तिकिटांचे बुकिंग झाले आहे. मुंबई-जळगाव आणि जळगाव-मुंबई या दोन्ही विमानांची २७, २८ आणि २९ डिसेंबरची सर्व तिकिटे बुक झाली आहेत.
नाशिक येथून हे विमान सहा वाजून २० मिनिटांनी उड्डाण करून लोहगाव विमानतळावर सात वाजता दाखल होईल. लोहगाव विमानतळावरून सात वाजून २० मिनिटांनी हे विमान सुटणार असून, ते आठ वाजता नाशिकला पोहोचणे अपेक्षित आहे. पुणे-नाशिक विमानसेवेमुळे रस्ते प्रवासातील विलंब आणि वाहतूक कोंडीचा सामना टळणार आहे. मुंबई-नाशिक प्रवासासाठी ५० मिनिटांचा कालावधी लागणार आहे. मुंबईहून हे विमान पाच वाजून १० मिनिटांनी सुटेल. ते सहा वाजता नाशिकला पोहोचेल. मात्र, नाशिकवरून मुंबईला जाणारे विमान सकाळी ११ वाजून ५५ मिनिटांनी सुटणार आहे. ते पावणे एक वाजता मुंबईला पोहोचेल. मुंबईहून जळगावचे विमान दुपारी सव्वा वाजता सुटून दुपारी दोन वाजून ४५ मिनिटांनी जळगावला पोहोचेल. ते जळगावून तीन वाजून १० मिनिटांनी ‘टेकऑफ’ होऊन मुंबईला चार वाजून ४० मिनिटांनी ‘लँड’ होईल.
तिकीट महागले
‘उडान’ योजनेअंतर्गत ही सेवा सुरू झाली असल्यामुळे तिकिटाची रक्कम अडीच हजार रुपयांच्या आत असेल, असे सांगितले जात होते. मुंबई-नाशिक-मुंबई यासाठी आठवड्यातील सर्वच दिवसांसाठी सरासरी पंधराशे रुपये प्रवास भाडे आहे. तर, मुंबई-जळगाव-मुंबई मार्गावर सरासरी २५०० रुपये तिकीट असून, आठवड्याच्या शेवटी साडेचार हजार रुपयांपर्यंत तिकीट महागले आहे. पुणे-नाशिक-पुणे दरम्यानचे तिकीट सरासरी १६७० रुपये असून, आठवड्याच्या शेवटी तीन हजार तीनशे रुपये तिकीट आहे.
मार्ग रस्ते वाहतुकीचा वेळ विमान प्रवासाचा वेळ
मुंबई-जळगाव आठ तास दीड तास
नाशिक-पुणे पाच ते साडेपाच तास ५० मिनिटे
नाशिक-मुंबई साडेतीन ते चार तास ५० मिनिटे
म. टा. प्रतिनिधी, पुणे
‘उडेगा देश का आम नागरिक’ (उडान) या योजनेअंतर्गत पुण्या-मुंबईहून जळगाव- नाशिकला सुरू झालेल्या विमानसेवेला पहिल्याच आठवड्यात चांगला प्रतिसाद मिळाला आहे. पुणे, मुंबई येथून नाशिकसाठी येत्या आठवड्यातील पाच दिवसांची सर्व तिकिटे बुक झाली असून, मंगळवारपासून सुरू होणाऱ्या जळगाव-मुंबई सेवेचीही तीन दिवसांची तिकिटे विकली गेली आहेत.
या सेवेचा प्रारंभ २३ डिसेंबरला झाला. या दिवशी पुण्याहून नाशिकला जाण्यासाठीची सर्व तिकिटे बुक झाली होती. त्यानंतर आता २४ ते ३१ डिसेंबर या आठवड्यात २६, ३० आणि ३१ डिसेंबर या दिवसांचे काहीच तिकिटे शिल्लक आहेत. उर्वरित दिवसांची सर्व तिकिटे विकली गेली आहेत. हीच परिस्थिती नाशिकवरून पुण्याला येण्यासाठी आहे. पुण्याप्रमाणे नाशिक-मुंबई-नाशिक मार्गावर तिकिटांचे बुकिंग झाले आहे. मुंबई-जळगाव आणि जळगाव-मुंबई या दोन्ही विमानांची २७, २८ आणि २९ डिसेंबरची सर्व तिकिटे बुक झाली आहेत.
नाशिक येथून हे विमान सहा वाजून २० मिनिटांनी उड्डाण करून लोहगाव विमानतळावर सात वाजता दाखल होईल. लोहगाव विमानतळावरून सात वाजून २० मिनिटांनी हे विमान सुटणार असून, ते आठ वाजता नाशिकला पोहोचणे अपेक्षित आहे. पुणे-नाशिक विमानसेवेमुळे रस्ते प्रवासातील विलंब आणि वाहतूक कोंडीचा सामना टळणार आहे. मुंबई-नाशिक प्रवासासाठी ५० मिनिटांचा कालावधी लागणार आहे. मुंबईहून हे विमान पाच वाजून १० मिनिटांनी सुटेल. ते सहा वाजता नाशिकला पोहोचेल. मात्र, नाशिकवरून मुंबईला जाणारे विमान सकाळी ११ वाजून ५५ मिनिटांनी सुटणार आहे. ते पावणे एक वाजता मुंबईला पोहोचेल. मुंबईहून जळगावचे विमान दुपारी सव्वा वाजता सुटून दुपारी दोन वाजून ४५ मिनिटांनी जळगावला पोहोचेल. ते जळगावून तीन वाजून १० मिनिटांनी ‘टेकऑफ’ होऊन मुंबईला चार वाजून ४० मिनिटांनी ‘लँड’ होईल.
तिकीट महागले
‘उडान’ योजनेअंतर्गत ही सेवा सुरू झाली असल्यामुळे तिकिटाची रक्कम अडीच हजार रुपयांच्या आत असेल, असे सांगितले जात होते. मुंबई-नाशिक-मुंबई यासाठी आठवड्यातील सर्वच दिवसांसाठी सरासरी पंधराशे रुपये प्रवास भाडे आहे. तर, मुंबई-जळगाव-मुंबई मार्गावर सरासरी २५०० रुपये तिकीट असून, आठवड्याच्या शेवटी साडेचार हजार रुपयांपर्यंत तिकीट महागले आहे. पुणे-नाशिक-पुणे दरम्यानचे तिकीट सरासरी १६७० रुपये असून, आठवड्याच्या शेवटी तीन हजार तीनशे रुपये तिकीट आहे.
मार्ग रस्ते वाहतुकीचा वेळ विमान प्रवासाचा वेळ
मुंबई-जळगाव आठ तास दीड तास
नाशिक-पुणे पाच ते साडेपाच तास ५० मिनिटे
नाशिक-मुंबई साडेतीन ते चार तास ५० मिनिटे