म. टा. प्रतिनिधी, पुणे
शिवाजीनगर जिल्हा न्यायालय आणि फॅमिली कोर्टाला जोडणाऱ्या गेल्या पाच महिन्यांपासून रखडलेल्या भुयारी मार्गाचे शुक्रवारी उद्घाटन करण्यात आले. पक्षकार आणि वकिलांना हा मार्ग वापरण्यासाठी खुला करण्यात आला आहे.
पुणे जिल्हा न्यायालयचे प्रमुख जिल्हा न्यायाधीश श्रीराम मोडक, फॅमिली कोर्टाच्या प्रमुख न्यायाधीश शैलजा सावंत, पुणे जिल्हा बार असोसिएशनचे अॅड. राजेंद्र दौंडकर, फॅमिली कोर्ट लॉयर्स असोसिएशनचे अध्यक्ष अॅड. गणेश कवडे, भुयारी मार्गासाठी तरतूद करणारे तत्कालीन स्थायी समितीचे अध्यक्ष अॅड. नीलेश निकम, सार्वजनिक बांधकाम विभागाचे अभियंता बावीसकर, पुणे जिल्हा बार असोसिएशनचे उपाध्यक्ष अॅड. हेमंत झंजाड, अॅड. संतोष जाधव, सचिव अॅड. विवेक भरगुडे, अॅड. आशिष ताम्हाणे, अॅड. कुमार पायगुडे, अॅड. दत्तात्रय गायकवाड आदी या वेळी उपस्थित होते.
पुणे जिल्हा न्यायालयाचे प्रमुख न्यायाधीश श्रीराम मोडक यांनी, पादचाऱ्यांनी या भुयारी मार्गाचा वापर करावा. येथे स्वच्छता ठेवावी. गाड्या लावण्यासाठी अथवा इतर व्यावसायिक कारणासाठी या मार्गाचा वापर करू नका, असे या वेळी बोलताना सांगितले.
फॅमिली कोर्टाच्या प्रमुख न्यायाधीश शैलजा सावंत, अॅड. नीलेश निकम यांनी या वेळी मनोगत व्यक्त केले. फॅमिली कोर्टासाठी नवीन इमारत उभारताना जिल्हा न्यायालय आणि फॅमिली कोर्टाला जोडणारा भुयारी मार्ग असावा असा प्रस्ताव मांडण्यात आला होता. त्यानुसार हा भुयारी मार्ग तयार करण्यात आला होता. मात्र फॅमिली कोर्टाच्या नवीन इमारतीच्या उद्घाटनानंतरही गेले पाच महिने हा मार्ग खुला करण्याबाबत निर्णय घेण्यात आला नव्हता. अखेर शुक्रवारी या मार्गाचे उद्घाटन करून तो लोकांसाठी खुला करण्यात आला.
शिवाजीनगर जिल्हा न्यायालय आणि फॅमिली कोर्टाला जोडणाऱ्या गेल्या पाच महिन्यांपासून रखडलेल्या भुयारी मार्गाचे शुक्रवारी उद्घाटन करण्यात आले. पक्षकार आणि वकिलांना हा मार्ग वापरण्यासाठी खुला करण्यात आला आहे.
पुणे जिल्हा न्यायालयचे प्रमुख जिल्हा न्यायाधीश श्रीराम मोडक, फॅमिली कोर्टाच्या प्रमुख न्यायाधीश शैलजा सावंत, पुणे जिल्हा बार असोसिएशनचे अॅड. राजेंद्र दौंडकर, फॅमिली कोर्ट लॉयर्स असोसिएशनचे अध्यक्ष अॅड. गणेश कवडे, भुयारी मार्गासाठी तरतूद करणारे तत्कालीन स्थायी समितीचे अध्यक्ष अॅड. नीलेश निकम, सार्वजनिक बांधकाम विभागाचे अभियंता बावीसकर, पुणे जिल्हा बार असोसिएशनचे उपाध्यक्ष अॅड. हेमंत झंजाड, अॅड. संतोष जाधव, सचिव अॅड. विवेक भरगुडे, अॅड. आशिष ताम्हाणे, अॅड. कुमार पायगुडे, अॅड. दत्तात्रय गायकवाड आदी या वेळी उपस्थित होते.
पुणे जिल्हा न्यायालयाचे प्रमुख न्यायाधीश श्रीराम मोडक यांनी, पादचाऱ्यांनी या भुयारी मार्गाचा वापर करावा. येथे स्वच्छता ठेवावी. गाड्या लावण्यासाठी अथवा इतर व्यावसायिक कारणासाठी या मार्गाचा वापर करू नका, असे या वेळी बोलताना सांगितले.
फॅमिली कोर्टाच्या प्रमुख न्यायाधीश शैलजा सावंत, अॅड. नीलेश निकम यांनी या वेळी मनोगत व्यक्त केले. फॅमिली कोर्टासाठी नवीन इमारत उभारताना जिल्हा न्यायालय आणि फॅमिली कोर्टाला जोडणारा भुयारी मार्ग असावा असा प्रस्ताव मांडण्यात आला होता. त्यानुसार हा भुयारी मार्ग तयार करण्यात आला होता. मात्र फॅमिली कोर्टाच्या नवीन इमारतीच्या उद्घाटनानंतरही गेले पाच महिने हा मार्ग खुला करण्याबाबत निर्णय घेण्यात आला नव्हता. अखेर शुक्रवारी या मार्गाचे उद्घाटन करून तो लोकांसाठी खुला करण्यात आला.