अ‍ॅपशहर

गणेश मंडळांसाठी उत्सवमूर्ती सन्मान

विघ्नांचे सावट दूर करून मांगल्याचे वातावरण निर्माण करणाऱ्या विघ्नहर्ता गणरायाच्या उत्सवासाठी अवघी पुण्यनगरी सज्ज झाली आहे. लाडक्या गणपतीबाप्पाचा हा उत्सव आणखी रंगतदार करण्यासाठी ‘महाराष्ट्र टाइम्स’तर्फे यंदाही ‘उत्सवमूर्ती सन्मान’ हा अनोखा उपक्रम राबविण्यात येणार आहे.

Maharashtra Times 21 Aug 2017, 3:00 am
‘मटा’तर्फे आयोजन; आजपासून नावनोंदणी सुरू
महाराष्ट्र टाइम्स.कॉम utsavmurti sanman compitition in pune for ganesh mandal ganeshotsv ganapti ganesh festival
गणेश मंडळांसाठी उत्सवमूर्ती सन्मान

म. टा. प्रतिनिधी, पुणे
विघ्नांचे सावट दूर करून मांगल्याचे वातावरण निर्माण करणाऱ्या विघ्नहर्ता गणरायाच्या उत्सवासाठी अवघी पुण्यनगरी सज्ज झाली आहे. लाडक्या गणपतीबाप्पाचा हा उत्सव आणखी रंगतदार करण्यासाठी ‘महाराष्ट्र टाइम्स’तर्फे यंदाही ‘उत्सवमूर्ती सन्मान’ हा अनोखा उपक्रम राबविण्यात येणार आहे.
सार्वजनिक गणेशोत्सवाची मुहूर्तमेढ पुण्यात रोवली गेली. सर्वांगसुंदर गणेशमूर्तीची प्रतिष्ठापना, मांगल्यापूर्ण वातावरणात बाप्पाची पूजा, रंजक आणि प्रबोधन करणारे देखावे या माध्यमातून सार्वजनिक मंडळे दरवर्षी उत्सवाची शान वाढवतात. म्हणूनच, सार्वजनिक गणेश मंडळांना व्यापक व्यासपीठ उपलब्ध करून देण्यासह त्यांच्या प्रयत्नांना प्रोत्साहन देण्यासाठी ‘महाराष्ट्र टाइम्स’ने गणेश मंडळांसाठी उत्सवमूर्ती सन्मान हा उपक्रम आयोजित केला आहे. यंदा या उपक्रमाचे तिसरे वर्ष आहे. गेल्या वर्षी झालेल्या स्पर्धेला मंडळांनी भरभरून प्रतिसाद दिला होता.
उत्सवमूर्ती सन्मानमध्ये सर्वोत्तम गणेशमूर्ती, इको-फ्रेंडली गणेशमूर्ती, सर्वोत्तम मंडळ आणि सर्वाधिक भेट दिले जाणारे मंडळ अशा विविध गटांमध्ये स्पर्धा होणार आहे. महाराष्ट्र टाइम्सतर्फे आयोजित या उपक्रमासाठी आज, सोमवारपासून नावनोंदणी सुरू करण्यात येणार आहे. इच्छूक मंडळांनी स्पर्धेतील सहभागासाठी ‘मटा’च्या गोपाळकृष्ण गोखले रस्त्यावरील (फर्ग्युसन कॉलेज रोड) कार्यालयात येऊन, प्रवेश अर्ज भरून नावनोंदणी करावी. अधिक माहितीसाठी संपर्क ८७९६१८१८३६ या क्रमांकावर संपर्क साधावा. गणेश मंडळांना www.mtganeshutsav.com या वेबसाइटवरून उत्सवमूर्ती सन्मान स्पर्धेसाठीचे अर्ज डाउनलोड करून घेता येतील.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज