पुणे : शहर आणि परिसरात वाहनांची चोरी करणाऱ्या सराईताला गुन्हे शाखेच्या युनिट एकने अटक केली आहे. त्याच्याकडून वाहनचोरीचे चार गुन्हे उघडकीस आले आहेत. धीरज सुरेश लोखंडे (वय २३, रा. कुंजीरवाडी, म्हातोबाची आळंदी, मूळ रा. भंडीशेगाव, पंढरपूर) असे अटक केलेल्याचे नाव आहे. गुन्हे शाखा युनिट एकचे पथक शहरात गस्त घालत होते. त्या वेळी पोलिस कर्मचारी प्रशांत गायकवाड यांना लोखंडे याने दुचाकी चोरल्याची माहिती मिळाली. त्यानुसार उपनिरीक्षक लहू सातपुते यांच्या पथकाने सापळा रचून त्याला अटक केली. त्याच्याकडे चौकशी केली असता, हडपसरमध्ये दोन, यवत आणि लोणी प्रवरा येथील चार दुचाकी चोरल्याचे सांगितले. ती वाहने पोलिसांनी जप्त केली आहेत. लोखंडे सराईत वाहनचोर असून, त्याच्यावर विविध पोलिस ठाण्यात २५ गुन्हे दाखल आहेत.
सराईत वाहनचोरअखेर अटकेत
शहर आणि परिसरात वाहनांची चोरी करणाऱ्या सराईताला गुन्हे शाखेच्या युनिट एकने अटक केली आहे त्याच्याकडून वाहनचोरीचे चार गुन्हे उघडकीस आले आहेत...
महाराष्ट्र टाइम्स.कॉम 24 Oct 2019, 4:00 am