म. टा. प्रतिनिधी, पुणे मराठी वाचकांमध्ये लोकप्रिय असलेल्या 'प्रतिलिपी' या ऑनलाइन पोर्टलद्वारे लेखकांसाठी घेण्यात आलेल्या स्पर्धेत ओंकार रेगे लिखित 'वेटिंग फॉर सुपरमॅन' या एकांकिकेला, तर विनय दहिवाळ यांच्या अनाघ्रात या नाटकाला प्रथम क्रमांक मिळाला. सुमारे जगभरातील मराठी लेखकांनी पाठवलेल्या सुमारे ३००हून अधिक एकांकिका आणि नाटकांमधून या दोन्ही कलाकृतींनी बाजी मारून विजेतेपद पटकावले. गेल्या तीन महिन्यांहून अधिक काळ ऑनलाइन माध्यमातून ही स्पर्धा रंगली होती, हे विशेष! मराठी भाषा दिनानिमित्त 'प्रतिलिपी'तर्फे या स्पर्धेचे आयोजन करण्यात आले होते. 'कुसुमाग्रज करंडक' या नावाने आयोजित करण्यात आलेल्या स्पर्धेला जगभरातून मोठा प्रतिसाद मिळाला. नुकताच त्याचा निकाल जाहीर करण्यात आला. यात नाटक आणि एकांकिका, असे स्वतंत्र भाग करण्यात आले होते. स्पर्धेतील पहिल्या ४० विजेत्यांना 'डिजिटल' प्रमाणपत्रे देण्यात येणार असून, पहिल्या ५० नाटक आणि एकांकिकेची 'ई-बुक्स'ही तयार करण्यात येणार आहेत. कुसुमाग्रज करंडक स्पर्धेत सहभागी एकांकिकांचेच पारडे संख्येने अधिक जड राहिले. संकल्पना, नाटकाच्या तंत्राची मांडणी, संवाद रचना, पात्ररचना आणि एकंदर प्रायोगिक परिणाम या निकषांवर परीक्षकांतर्फे सर्व संहितांचे परीक्षण करण्यात आले आहे. गिरीश केमकर आणि मिलिंद शिंत्रे यांनी या स्पर्धेचे परीक्षक म्हणून काम पाहिले. सविस्तर निकाल एकांकिका नाटक प्रथम पारितोषिक वेटिंग फॉर सुपरमॅन : ओंकार रेगे (पुणे) अनाघ्रात : विनय दहिवाळ- कुर्डुवाडी (सोलापूर) द्वितीय पारितोषिक ऑस्कर - मुक्ता बाम (पुणे) पसाऱ्याचे यमक : मृद्गंधा दीक्षित (पुणे) तृतीय पारितोषिक दोन पंथी - गंधर्व गुळवेलकर, शुभम गिजे निष्पर्ण झाले गाणे : राम-कुलकर्णी (सांगली)
'वेटिंग फॉर सुपरमॅन''प्रतिलिपी'त प्रथम
म टा...
महाराष्ट्र टाइम्स.कॉम 1 Jul 2019, 4:00 am