म. टा. प्रतिनिधी, पुणे
मुठा उजवा कालव्याच्या दुरुस्तीसाठी दोन दिवस लागणार असल्याने आज (शुक्रवारी) आणि उद्या (शनिवारी) शहराच्या पूर्व भागातील पाणीपुरवठा विस्कळित होणार आहे. त्यामुळे लष्कर भागातून होणाऱ्या पाणीपुरवठ्यावर अवलंबून असलेल्या कोंढवा, मुंढवा, हडपसर, महंमदवाडी, काळेपडळ, येरवडा, कोरेगाव पार्क, विश्रांतवाडी, टिंगरेनगर, खराडी, वडगावशेरी, चंदननगर, नगररोड, विमाननगर भागाच्या पाणीपुरवठ्यावर परिणाम होणार आहे, असे महापालिकेच्या पाणीपुरवठा विभागाने कळविले आहे.
पुणे शहराला पाणीपुरवठा करणाऱ्या खडकवासला धरणाचा मुठा उजवा कालवा गुरुवारी फुटल्याने त्याची दुरुस्ती करावी लागणार आहे. त्यासाठी दोन दिवसांचा कालावधी लागणार आहे. त्याचा परिणाम लष्कर भागातून केल्या जाणाऱ्या पाणीपुरवठ्यावर होणार आहे. दरम्यान, शहरातील विविध पंपिंग स्टेशनमध्ये देखभाल-दुरुस्तीच्या कामासाठी महापालिकेने गुरुवारी सर्व शहराचा पाणीपुरवठा बंद ठेवला होता. त्यातच कालवा दुरुस्तीसाठी पुन्हा दोन दिवस लागणार असल्याने शहराच्या पूर्वेकडील रहिवाशांचा पाणीपुरवठा विस्कळित होणार आहे.
लष्कर पाणीपुरवठा केंद्रातून चारशे एमएलडी पाणीपुरवठा केला जातो. मात्र, कालवा दुरुस्तीमुळे तीनशे एमएलडी पाणीपुरवठा करणे शक्य असून, शुक्रवारी ते वाढविण्याचा प्रयत्न केला जाईल. कालवा दुरुस्तीच्या कामामुळे पाणीपुरवठा विस्कळित होणार आहे.
- व्ही. जी. कुलकर्णी, पाणीपुरवठा विभागप्रमुख
मुठा उजवा कालव्याच्या दुरुस्तीसाठी दोन दिवस लागणार असल्याने आज (शुक्रवारी) आणि उद्या (शनिवारी) शहराच्या पूर्व भागातील पाणीपुरवठा विस्कळित होणार आहे. त्यामुळे लष्कर भागातून होणाऱ्या पाणीपुरवठ्यावर अवलंबून असलेल्या कोंढवा, मुंढवा, हडपसर, महंमदवाडी, काळेपडळ, येरवडा, कोरेगाव पार्क, विश्रांतवाडी, टिंगरेनगर, खराडी, वडगावशेरी, चंदननगर, नगररोड, विमाननगर भागाच्या पाणीपुरवठ्यावर परिणाम होणार आहे, असे महापालिकेच्या पाणीपुरवठा विभागाने कळविले आहे.
पुणे शहराला पाणीपुरवठा करणाऱ्या खडकवासला धरणाचा मुठा उजवा कालवा गुरुवारी फुटल्याने त्याची दुरुस्ती करावी लागणार आहे. त्यासाठी दोन दिवसांचा कालावधी लागणार आहे. त्याचा परिणाम लष्कर भागातून केल्या जाणाऱ्या पाणीपुरवठ्यावर होणार आहे. दरम्यान, शहरातील विविध पंपिंग स्टेशनमध्ये देखभाल-दुरुस्तीच्या कामासाठी महापालिकेने गुरुवारी सर्व शहराचा पाणीपुरवठा बंद ठेवला होता. त्यातच कालवा दुरुस्तीसाठी पुन्हा दोन दिवस लागणार असल्याने शहराच्या पूर्वेकडील रहिवाशांचा पाणीपुरवठा विस्कळित होणार आहे.
लष्कर पाणीपुरवठा केंद्रातून चारशे एमएलडी पाणीपुरवठा केला जातो. मात्र, कालवा दुरुस्तीमुळे तीनशे एमएलडी पाणीपुरवठा करणे शक्य असून, शुक्रवारी ते वाढविण्याचा प्रयत्न केला जाईल. कालवा दुरुस्तीच्या कामामुळे पाणीपुरवठा विस्कळित होणार आहे.
- व्ही. जी. कुलकर्णी, पाणीपुरवठा विभागप्रमुख