म. टा. प्रतिनिधी, पिंपरी
पिंपरी-चिंचवड महापालिकेच्या पाणीपुरवठा विभागाच्या लेखाधिकाऱ्याला एक हजार रुपयांची लाच घेताना लाचलुचपत प्रतिबंधक पथकाने सोमवारी रंगेहाथ पकडले.
किशोर बाबूराव शिंगे (रा. कोकणे चौक, पिंपळे सौदागर) असे लाच स्वीकारताना पकडलेल्या अधिकाऱ्याचे नाव आहे. या प्रकरणी एका ठेकेदाराच्या भाच्याने ‘एसीबी’कडे तक्रार केली होती. मिळालेल्या माहितीनुसार, शिंगे हे महापालिकेच्या पाणीपुरवठा विभागात लेखाधिकारी आहेत. त्यांच्याकडे पाइपलाइनची देखभाल आणि दुरुस्ती करण्याचे काम आहे. या केलेल्या कामांची बिले मंजूर करण्यासाठीची फाइल वरिष्ठांकडे पाठविण्यासाठी लेखाधिकारी शिंगे यांनी तक्रारदाराकडे एक हजार रुपयाची लाच मागितली होती. याबाबत तक्रारदाराने एसीबीकडे तक्रार केली होती. त्यानुसार सोमवारी दुपारी एकच्या सुमारास एसीबीच्या पथकाने सापळा रचला. या वेळी तक्रारदाराकडून एक हजार रुपयांची लाच स्वीकारताना शिंगे यांना रंगेहाथ पकडले. या प्रकरणी पिंपरी पोलीस ठाण्यात गुन्हा दाखल करण्याचे काम उशिरापर्यंत चालू होते.
पिंपरी-चिंचवड महापालिकेच्या पाणीपुरवठा विभागाच्या लेखाधिकाऱ्याला एक हजार रुपयांची लाच घेताना लाचलुचपत प्रतिबंधक पथकाने सोमवारी रंगेहाथ पकडले.
किशोर बाबूराव शिंगे (रा. कोकणे चौक, पिंपळे सौदागर) असे लाच स्वीकारताना पकडलेल्या अधिकाऱ्याचे नाव आहे. या प्रकरणी एका ठेकेदाराच्या भाच्याने ‘एसीबी’कडे तक्रार केली होती. मिळालेल्या माहितीनुसार, शिंगे हे महापालिकेच्या पाणीपुरवठा विभागात लेखाधिकारी आहेत. त्यांच्याकडे पाइपलाइनची देखभाल आणि दुरुस्ती करण्याचे काम आहे. या केलेल्या कामांची बिले मंजूर करण्यासाठीची फाइल वरिष्ठांकडे पाठविण्यासाठी लेखाधिकारी शिंगे यांनी तक्रारदाराकडे एक हजार रुपयाची लाच मागितली होती. याबाबत तक्रारदाराने एसीबीकडे तक्रार केली होती. त्यानुसार सोमवारी दुपारी एकच्या सुमारास एसीबीच्या पथकाने सापळा रचला. या वेळी तक्रारदाराकडून एक हजार रुपयांची लाच स्वीकारताना शिंगे यांना रंगेहाथ पकडले. या प्रकरणी पिंपरी पोलीस ठाण्यात गुन्हा दाखल करण्याचे काम उशिरापर्यंत चालू होते.