Nagar Panchayat Election Results Live: माळशिरसमध्ये १० जागा जिंकून भाजपची निर्विवाद बाजी

Western Maharashtra Nagar Panchayat Election Results Live Updates: पश्चिम महाराष्ट्रातील अनेक महत्त्वाच्या नगरपंचायत निवडणुकीच्या मतमोजणीला सुरुवात झाली असून काही तासांताच येथील निकालाचं चित्र स्पष्ट होणार आहे.

पुणे: कवठेमहांकाळ, माढासह पश्चिम महाराष्ट्रातील महत्त्वाच्या नगरपंचायतीचे निकाल आज जाहीर होत आहेत. अनेक ठिकाणी मतमोजणी सुरू झाली आहे. त्या त्या जिल्ह्यातील स्थानिक नेत्यांची प्रतिष्ठा निवडणुकीत पणाला लागली आहे. त्याबाबतचे सर्व अपडेट्स...

महाराष्ट्र टाइम्स.कॉम

लाइव्ह अपडेट्स

• सोलापूर: नातेपुते नगरपंचायत मतमोजणी संथ गतीने सुरू. आतापर्यंत १२ जागांवरील निकाल जाहीर. बाबराजे देशमुख यांच्या जनशक्ती आघाडीने ९ जागा जिंकत मिळवले बहुमत. प्रतिस्पर्धी भानुदास राऊत यांच्या नागरी विकास आघाडीला फक्त तीन जागा.

• सोलापूर: म्हाळूंग श्रीपूरमध्ये मोहिते पाटील समर्थक दोन आघाड्यांना मिळून ९ जागा तर भाजपला एक जागा. दोन्ही आघाड्यांच्या पाठिंब्यासह भाजपचा सत्तेचा मार्ग मोकळा. काँग्रेसला एक जागा. शिवसेनेला खातेही खोलता आले नाही.

• सोलापूर: म्हाळूंग श्रीपूर नगरपंचायत त्रिशंकू. भाजप आणि मोहिते पाटील गटातील मतविभागणीचा राष्ट्रवादी काँग्रेसला फायदा

• कोरेगाव नगरपंचायतीमध्ये शिवसेनेचे आमदार महेश शिंदे यांचा आमदार शशिकांत शिंदे यांना धक्का. १७ पैकी तब्बल १३ जागा जिंकून महेश शिंदे गटानं सिद्ध केलं वर्चस्व.

• सोलापूर: माळशिरसमध्ये १० जागा जिंकून भाजपची बाजी; राष्ट्रवादी काँग्रेसला दोन तर अपक्षांना चार जागी यश

• सोलापूर: माढामध्ये १७ पैकी १२ जागा जिंकत काँग्रेसची निर्विवाद सत्ता. राष्ट्रवादीला दोन, शिवसेनेला दोन तर अपक्षाला एक जागा

• सोलापूर: नातेपुतेमध्ये मोहिते पाटील समर्थक बाबरजे देशमुख गटाने जिंकल्या सहा जागा

• सोलापूर: माळशिरसमध्ये राष्ट्रवादी काँग्रेसला धक्का; भाजपला ७, अपक्षांना तीन जागा. राष्ट्रवादी काँग्रेस अद्यापही शून्यावर

• सोलापूर: माढामध्ये काँग्रेसला स्पष्ट बहुमत. आतापर्यंत जाहीर १५ जागांपैकी काँग्रेस १० जागांवर विजयी. राष्ट्रवादीला दोन, शिवसेनेला दोन जागा. एका जागेवर अपक्षाची बाजी

• रोहित पाटील यांची जादू चालणार का? सांगलीतील कवठेमहांकाळ येथे राष्ट्रवादी विरुद्ध सर्वपक्षीय लढत.

• सोलापुरातील नातेपुते, माळशिरस, श्रीपूर म्हाळूंग इथंही मतमोजणीला सुरुवात

• माढाच्या माजी नगराध्यक्ष मीनल साठे व त्यांचे पुतणे शाहू साठे यांच्यातील लढतीच्या निकालाकडं लक्ष

• माढा नगरपंचायतीची निवडणूक लढलेल्या ४५ उमेदवारांच्या भवितव्याचा आज फैसला

• माढा, कवठेमहंकाळ इथं मतमोजणीला सुरुवात

• पश्चिम महाराष्ट्रातील अनेक महत्त्वाच्या नगरपंचायत निवडणुकीचे आज निकाल