म. टा. प्रतिनिधी, पुणे हडपसर-मुंढवा रस्त्यावर अज्ञात वाहनाच्या धडकेत दुचाकी चालकाचा मृत्यू झाल्याची घटना शनिवारी रात्री घडली. याप्रकरणी मुंढवा पोलिस ठाण्यात अज्ञात वाहन चालकावर गुन्हा दाखल करण्यात आला आहे. संतोष ज्ञानदेव सुरवसे (वय २९, रा. शिंदे वस्ती, हडपसर) असे मृत्यू झालेल्या व्यक्तीचे नाव आहे. या प्रकरणी पोलिस कर्मचारी राकेश बोबडे यांनी तक्रार दिली आहे. पोलिसांनी दिलेल्या माहितीनुसार, संतोष दुचाकीवरून मुंढवा-हडपसर रस्त्याने शनिवारी रात्री साडेअकराच्या सुमारास जात होता. हडपसर रेल्वे पुलावर त्याला अज्ञात वाहनाने जोरात धडक दिली. या धडकेत रस्त्यावर पडून त्याचा जागीच मृत्यू झाला. अपघातानंतर वाहनचालक पळून गेला. या प्रकरणी मुंढवा पोलिस तपास करत आहेत.
वाहनाच्या धडकेतदुचाकीस्वाराचा मृत्यू
म टा प्रतिनिधी, पुणेहडपसर-मुंढवा रस्त्यावर अज्ञात वाहनाच्या धडकेत दुचाकी चालकाचा मृत्यू झाल्याची घटना शनिवारी रात्री घडली...
महाराष्ट्र टाइम्स.कॉम 16 Jul 2019, 4:00 am