म. टा. प्रतिनिधी, पुणे
करोना आणि सततची टाळेबंदी यामुळे वर्षभर फारसे उत्पन्न नसलेल्या आणि नव्या निर्बंधांमुळे पुन्हा अडचणीत सापडलेल्या कलाकारांचा; तसेच तंत्रज्ञ व पडद्यामागे काम करणाऱ्या अनेक कामगारांचा सरकारने जराही विचार केला नसल्याबद्दलचा रोष व्यक्त होत आहे.
मुख्यमंत्र्यांनी अनेक घटकांसाठी आर्थिक मदतीची घोषणा केली; पण नाटकाचे प्रयोग, सांस्कृतिक कार्यक्रम; तसेच चित्रपट, मालिका, जाहिरातीचे चित्रीकरण बंद करून अडचणीत ढकललेल्या कलाकारांना काहीच मदत का नाही, असा सवाल विचारला जात आहे.
'कलावंत व तंत्रज्ञ यांच्या कुटुंबांनी वर्षभर आर्थिक त्रासात दिवस काढले. अनेक कलावंतांच्या घराचा वीजपुरवठा खंडित करण्यात आला आहे. उत्पन्न थांबल्याने काहींचे बँकेचे हप्ते थकले आहेत. कलावंतांच्या मुलामुलींच्या शिक्षणाचा प्रश्न निर्माण झाला आहे. नृत्य कलाकार जतीन पांडे यांनी मुख्यमंत्र्यांनी कलाकारांच्या अडचणीची दखल न घेतल्याचा निषेध केला. समाजाला कलाकारांची दखल घ्यावी वाटत नाही,' अशी खंत गायक त्यागराज खाडिलकर यांनी व्यक्त केली. सर्जनशीलतेला पोट नसते का, असा सवाल काही कलाकार व तंत्रज्ञ यांनी केला आहे.
करोनाचा प्रादुर्भाव रोखण्यासाठी विविध निर्बंध लागू करताना हातावर पोट असणाऱ्या कष्टकऱ्यांची रोजीरोटी थांबू नये; म्हणून सरकारने विविध प्रकारच्या मदतीची घोषणा केली, तरी कलाकारांचा उल्लेख केलेला नाही; तसेच पिंपरी-चिंचवड महापालिकेने दुर्बल घटकांसाठी प्रत्येकी तीन हजार रुपयांची मदत जाहीर केली आहे. या पार्श्वभूमीवर किमान पुणे महापालिकेने तरी कलाकारांकडे लक्ष द्यावे, अशी मागणी होत आहे.
'महापालिकेने आर्थिक मदत करावी'
रंगमंचीय पडद्यामागे काम करणाऱ्या आर्थिक दुर्बल घटकातील कलाकार व तंत्रज्ञांना महापालिकेने प्रत्येकी तीन हजार रुपयांची तातडीची आर्थिक मदत जाहीर करावी, अशी मागणी अखिल भारतीय मराठी नाट्य परिषदेच्या कोथरूड शाखेने; तसेच राष्ट्रवादी काँग्रेस पक्षाच्या सांस्कृतिक विभागाने केली आहे. शाखेचे अध्यक्ष सुनील महाजन आणि बाबासाहेब पाटील यांनी महापौर मुरलीधर मोहोळ यांना याबाबत पत्र पाठवले आहे.
महापालिकेला दिलेल्या पत्रात काय?
- गरजू कलाकारांना पुणे महापालिकेच्या वतीने कसे सहकार्य करता येईल, याविषयी आपण आयुक्त, स्थायी समितीचे अध्यक्ष; तसेच विविध पक्षांचे पक्षनेते यांच्याशी चर्चा करून योग्य तो निर्णय घ्यावा.
- महापालिकेने शहरातील कलाकारांच्या मागे उभे राहून त्यांना आधार दिला पाहिजे. कलावंतांची व तंत्रज्ञाची माहिती महापालिकेला दिली जाईल.
करोना आणि सततची टाळेबंदी यामुळे वर्षभर फारसे उत्पन्न नसलेल्या आणि नव्या निर्बंधांमुळे पुन्हा अडचणीत सापडलेल्या कलाकारांचा; तसेच तंत्रज्ञ व पडद्यामागे काम करणाऱ्या अनेक कामगारांचा सरकारने जराही विचार केला नसल्याबद्दलचा रोष व्यक्त होत आहे.
मुख्यमंत्र्यांनी अनेक घटकांसाठी आर्थिक मदतीची घोषणा केली; पण नाटकाचे प्रयोग, सांस्कृतिक कार्यक्रम; तसेच चित्रपट, मालिका, जाहिरातीचे चित्रीकरण बंद करून अडचणीत ढकललेल्या कलाकारांना काहीच मदत का नाही, असा सवाल विचारला जात आहे.
'कलावंत व तंत्रज्ञ यांच्या कुटुंबांनी वर्षभर आर्थिक त्रासात दिवस काढले. अनेक कलावंतांच्या घराचा वीजपुरवठा खंडित करण्यात आला आहे. उत्पन्न थांबल्याने काहींचे बँकेचे हप्ते थकले आहेत. कलावंतांच्या मुलामुलींच्या शिक्षणाचा प्रश्न निर्माण झाला आहे. नृत्य कलाकार जतीन पांडे यांनी मुख्यमंत्र्यांनी कलाकारांच्या अडचणीची दखल न घेतल्याचा निषेध केला. समाजाला कलाकारांची दखल घ्यावी वाटत नाही,' अशी खंत गायक त्यागराज खाडिलकर यांनी व्यक्त केली. सर्जनशीलतेला पोट नसते का, असा सवाल काही कलाकार व तंत्रज्ञ यांनी केला आहे.
करोनाचा प्रादुर्भाव रोखण्यासाठी विविध निर्बंध लागू करताना हातावर पोट असणाऱ्या कष्टकऱ्यांची रोजीरोटी थांबू नये; म्हणून सरकारने विविध प्रकारच्या मदतीची घोषणा केली, तरी कलाकारांचा उल्लेख केलेला नाही; तसेच पिंपरी-चिंचवड महापालिकेने दुर्बल घटकांसाठी प्रत्येकी तीन हजार रुपयांची मदत जाहीर केली आहे. या पार्श्वभूमीवर किमान पुणे महापालिकेने तरी कलाकारांकडे लक्ष द्यावे, अशी मागणी होत आहे.
'महापालिकेने आर्थिक मदत करावी'
रंगमंचीय पडद्यामागे काम करणाऱ्या आर्थिक दुर्बल घटकातील कलाकार व तंत्रज्ञांना महापालिकेने प्रत्येकी तीन हजार रुपयांची तातडीची आर्थिक मदत जाहीर करावी, अशी मागणी अखिल भारतीय मराठी नाट्य परिषदेच्या कोथरूड शाखेने; तसेच राष्ट्रवादी काँग्रेस पक्षाच्या सांस्कृतिक विभागाने केली आहे. शाखेचे अध्यक्ष सुनील महाजन आणि बाबासाहेब पाटील यांनी महापौर मुरलीधर मोहोळ यांना याबाबत पत्र पाठवले आहे.
महापालिकेला दिलेल्या पत्रात काय?
- गरजू कलाकारांना पुणे महापालिकेच्या वतीने कसे सहकार्य करता येईल, याविषयी आपण आयुक्त, स्थायी समितीचे अध्यक्ष; तसेच विविध पक्षांचे पक्षनेते यांच्याशी चर्चा करून योग्य तो निर्णय घ्यावा.
- महापालिकेने शहरातील कलाकारांच्या मागे उभे राहून त्यांना आधार दिला पाहिजे. कलावंतांची व तंत्रज्ञाची माहिती महापालिकेला दिली जाईल.