सकाळी आई घराबाहेर गेली तर पुन्हा परतलीच नाही; मन हेलावणारी घटना

पिंपरी : भरधाव क्रेनच्या धडकेत पादचारी महिलेचा मृत्यू झाल्याची घटना गुरुवारी (८ सप्टेंबर) सकाळी खेड तालुक्यात शिक्रापूर-चाकण रोडवर घडली. रुक्मिणी व्यंकट तेलंगे (वय ४०, रा. चिखली) असे मृत्यू झालेल्या महिलेचे नाव आहे. वाचा सविस्तर घटना...

अशी आहे घटना

गुरुवारी (८ सप्टेंबर) सकाळी खेड तालुक्यात शिक्रापूर-चाकण रोडवर ह्दयद्रावक घडली. भरधाव क्रेनच्या धडकेत पादचारी महिलेचा मृत्यू झाला. रुक्मिणी व्यंकट तेलंगे (वय ४०, रा. चिखली) असे मृत्यू झालेल्या महिलेचे नाव आहे. या प्रकरणी हनुमंत व्यंकट तेलंगे (वय २२) यांनी चिखली पोलिस ठाण्यात फिर्याद दिली आहे. त्यानुसार क्रेन चालकाच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, रुक्मिणी तेलंगे (फिर्यादींची आई) गुरुवारी सकाळी नऊ वाजता सोनवणे वस्ती येथून पायी जात होत्या. त्या वेळी आरोपीने क्रेन भरधाव वेगात चालवून रुक्मिणी यांना पाठीमागून धडक दिली. त्यामध्ये गंभीर जखमी झालेल्या रुक्मिणी यांचा मृत्यू झाला. चिखली पोलिस तपास करीत आहेत.