म. टा. प्रतिनिधी, पुणे
'घरात आत्मा असल्यामुळे तुमची मुले मरणार आहेत,' अशी भिती दाखवून कर्वेनगर येथे एकट्या राहणाऱ्या ज्येष्ठ महिलेची वीस लाख रुपयांची फसवणूक केल्याचा धक्कादायक प्रकार समोर आला आहे. या प्रकरणी अलंकार पोलिस ठाण्यात जादूटोणा विरोधी कायद्यानुसार गुन्हा दाखल करण्यात आला आहे.
याबाबत महिलेच्या ४५ वर्षीय मुलाने तक्रार दिली आहे. त्यानुसार वेदिका नीलेश कामत उर्फ नेहा नीलेश पै (वय ३८) आणि तिचा मित्र वीर (वय ४२) यांच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार हे इंजिनीअर असून, ते नोकरीच्या निमित्ताने अमेरिकेत असतात. त्यांचा भाऊदेखील अमेरिकेत नोकरी करतो. त्यांची आई कर्वेनगर परिसरात एकटीच राहते. तक्रारदार यांच्या आई खरेदीसाठी एका दुकानात गेल्यानंतर त्या ठिकाणी काम करणाऱ्या आरोपी वेदिकासोबत त्यांची ओळख झाली होती. त्यानंतर आरोपीने तक्रारदार यांच्या आईशी ओळख वाढविली. त्यांना व्हॉट्सअॅप ग्रुपमध्ये सहभागी करून घेतले. त्यानंतर भाड्याने घर हवे असल्याचे आरोपीने तक्रारदार यांच्या आईला सांगितले. आरोपीने भाड्याने घर घेण्याअगोदर ते पाहण्यासाठी मांत्रिकाला घरी आणले.
घरात पूजा केल्यानंतर 'तुमच्या घरात आत्मा व भुतांचा वावर आहे. त्यामुळे तुमची मुले व तुम्ही लवकर मरणार आहेत,' अशी त्यांना भीती घातली. आरोपींनी सांगितलेल्या गोष्टींमुळे त्या खूप घाबरल्या. आरोपींनी घराची तोडफोड सुरू केली. स्वत:चे साहित्य घरात आणून टाकले. तक्रारदार यांच्या आईच्या नावावर बँकेत २८ लाख रुपयांचे फिक्स डिपॉझिट असल्याचे समजले. त्या वेळी आरोपींनी अगोदर काही रक्कम 'एटीएम' व चेकद्वारे काढून घेतली. घर दुरुस्तीच्या कारणासाठी फिक्स डिपॉझिटच्या पावत्या बँकेत गहाण ठेवल्या. त्या बदल्यात वेगवेगळ्या नागरिकांच्या नावाने एकूण २० लाख ९० हजार रुपये काढून घेतले. तक्रारदार यांच्या आईने त्यांना फोन करून घर दुरुस्त करण्यास सुरुवात केल्याचे सांगितले. त्यामुळे तक्रारदार नोव्हेंबर महिन्यात पुण्यात आले. त्या वेळी त्यांना हा सर्व प्रकार समजला. त्यानंतर त्यांनी आईसोबत चर्चा केली आणि अलंकार पोलिस ठाण्यात तक्रार दिली. या प्रकरणी अलंकार पोलिस अधिक तपास करत आहेत.
'घरात आत्मा असल्यामुळे तुमची मुले मरणार आहेत,' अशी भिती दाखवून कर्वेनगर येथे एकट्या राहणाऱ्या ज्येष्ठ महिलेची वीस लाख रुपयांची फसवणूक केल्याचा धक्कादायक प्रकार समोर आला आहे. या प्रकरणी अलंकार पोलिस ठाण्यात जादूटोणा विरोधी कायद्यानुसार गुन्हा दाखल करण्यात आला आहे.
याबाबत महिलेच्या ४५ वर्षीय मुलाने तक्रार दिली आहे. त्यानुसार वेदिका नीलेश कामत उर्फ नेहा नीलेश पै (वय ३८) आणि तिचा मित्र वीर (वय ४२) यांच्या विरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार हे इंजिनीअर असून, ते नोकरीच्या निमित्ताने अमेरिकेत असतात. त्यांचा भाऊदेखील अमेरिकेत नोकरी करतो. त्यांची आई कर्वेनगर परिसरात एकटीच राहते. तक्रारदार यांच्या आई खरेदीसाठी एका दुकानात गेल्यानंतर त्या ठिकाणी काम करणाऱ्या आरोपी वेदिकासोबत त्यांची ओळख झाली होती. त्यानंतर आरोपीने तक्रारदार यांच्या आईशी ओळख वाढविली. त्यांना व्हॉट्सअॅप ग्रुपमध्ये सहभागी करून घेतले. त्यानंतर भाड्याने घर हवे असल्याचे आरोपीने तक्रारदार यांच्या आईला सांगितले. आरोपीने भाड्याने घर घेण्याअगोदर ते पाहण्यासाठी मांत्रिकाला घरी आणले.
घरात पूजा केल्यानंतर 'तुमच्या घरात आत्मा व भुतांचा वावर आहे. त्यामुळे तुमची मुले व तुम्ही लवकर मरणार आहेत,' अशी त्यांना भीती घातली. आरोपींनी सांगितलेल्या गोष्टींमुळे त्या खूप घाबरल्या. आरोपींनी घराची तोडफोड सुरू केली. स्वत:चे साहित्य घरात आणून टाकले. तक्रारदार यांच्या आईच्या नावावर बँकेत २८ लाख रुपयांचे फिक्स डिपॉझिट असल्याचे समजले. त्या वेळी आरोपींनी अगोदर काही रक्कम 'एटीएम' व चेकद्वारे काढून घेतली. घर दुरुस्तीच्या कारणासाठी फिक्स डिपॉझिटच्या पावत्या बँकेत गहाण ठेवल्या. त्या बदल्यात वेगवेगळ्या नागरिकांच्या नावाने एकूण २० लाख ९० हजार रुपये काढून घेतले. तक्रारदार यांच्या आईने त्यांना फोन करून घर दुरुस्त करण्यास सुरुवात केल्याचे सांगितले. त्यामुळे तक्रारदार नोव्हेंबर महिन्यात पुण्यात आले. त्या वेळी त्यांना हा सर्व प्रकार समजला. त्यानंतर त्यांनी आईसोबत चर्चा केली आणि अलंकार पोलिस ठाण्यात तक्रार दिली. या प्रकरणी अलंकार पोलिस अधिक तपास करत आहेत.