म. टा. प्रतिनिधी, पिंपरी
जागतिक आरोग्य दिनानिमित्त पिंपरी-चिंचवडमध्ये अनेक ठिकाणी विविध कार्यक्रम घेण्यात आले. त्यामध्ये सफाई कर्मचाऱ्यांचा सत्कार, मोफत मार्गदर्शन शिबिर, व्याख्यान, स्वच्छता मोहिम आदींचा समावेश आहे.
पिंपळे सौदागर येथील नाना काटे सोशल फाउंडेशन व समरिर्टन्सच्या संयुक्त विद्यमाने 'वॉक फॉर गुड हेल्थ' उपक्रम राबविण्यात आला. उपक्रमाचा प्रारंभ रोझ आयकॉन शेजारील महापालिकेच्या मैदानातून झाला. शिवार चौक, कोकणे चौकमार्गे रहाटणी चौकात समारोप झाला. सहभागी झालेल्या व्यक्तींकडून देणगी गोळा करून ती 'स्नेहवन' संस्थेला देण्यात आली. नगरसेवक नाना काटे, रोझलँड रेसिडेन्सीचे अध्यक्ष संतोष मसकर, आनंद दप्तरदार, नंदकुमार काटे, संदेश काटे-पाटील, काळूराम कवितके, गोविंद वलेकर, किरण क्षीरसागर, मोहन मुद्दाना, संदेश पुजारी, श्रीनिवास हाके हे सहभागी होते.
कै. पांडुरंग धोडिंबा माकर प्रतिष्ठान व शेखर काटे युवा मंच यांच्या वतीने जगन्नाथ देवकर यांच्या स्मरणार्थ आरोग्य कर्मचाऱ्यांना 'आरोग्य सेवा पुरस्कार' देऊन गौरविण्यात आले. शेखर काटे, प्रविण देवकर, दीपक माकर यांच्या हस्ते दापोडी येथील हुतात्मा भगतसिंह विद्यालयात पुरस्कार वितरण झाले. या वेळी अमोल गोरे, दीपक काटे, प्रमोद गायकवाड, अनिल कुलकर्णी, गुलाब आल्हाट, रवींद्र कांबळे उपस्थित होते. सत्कारार्थींमध्ये सिद्धार्थ सातपुते, मंगल आरडे, बबिता जाधव, विमल गलांडे, आरती चंदा, लक्ष्मी भोसले, संगिता गायकवाड, सोनाली अडागळे, योगिनी निंबाळकर, भारती झाटे, दत्ता कांबळे, सुनील देहाडे, मीना सोनवाल, उषा जीनवाल, रेखा गोहर, रमा बाराथे, शोभा नाईकनवरे यांचा समावेश आहे.
सामर्थ्य प्रबोधिनी दापोडी शाखेच्या वतीने पवना घाट आणि परिसराची स्वच्छता करण्यात आली. मोहिमेत आकाश काटे, यश काटे, अनिकेत काटे, ओंकार काटे, तनया, मयुरी काटे, सलोनी गावडे, एस. व्ही. वाळंज, पीयूष भालेराव सहभागी होते. निगडी येथील 'इंडियन असोसिएशन ऑफ डर्मेटॉलॉजी' व स्वातंत्र्यवीर सावरकर मंडळाच्या वतीने आयोजित कार्यक्रमात त्वचारोग तज्ज्ञ डॉ. सुहास माटे यांचे व्याख्यान झाले. प्रास्ताविक शिल्पा बिबीकर यांनी केले. विनीता श्रीखंडे यांनी आभार मानले.
चिंचवड येथील 'लोकमान्य हॉलिस्टिक कॅन्सर केअर'तर्फे मार्गदर्शन शिबिर घेण्यात आले. संचालक डॉ. प्रदीप कुलकर्णी यांनी मार्गदर्शन केले. माजी महापौर अपर्णा डोके, नगरसेविका नीता पाडळे, अश्विनी चिंचवडे, सुरेश भोईर, संगीता भोंडवे, विलास पाडाळे उपस्थित होते. विजय गोखले यांनी आभार मानले. गायत्री गानू यांनी संयोजन केले. काळेवाडी येथे झालेल्या कार्यक्रमात महिला बचत गटांना कॅन्सरविषयी डॉ. विजय गोखले यांनी मोफत मार्गदर्शन केले. सहदेव गोळे यांनी सूत्रसंचालन केले. दत्ता हतागळे, भाग्यश्री म्हस्के, मनिषा मगर, उषा बनसोडे, श्वेता शिर्के, रुपाली भोसले, सुरेखा अंधारे, सविता आवारे, उषा लोखंडे, सोनाली लोखंडे यांनी संयोजन केले.
.....