नवीन कारागृहासाठी जागा निश्चित
राज्यातील सर्वांत मोठ्या येरवडा कारागृहात क्षमतेच्या दुप्पट कैदी असून, दिवसेंदिवस त्यात वाढ होत आहे. त्यामुळे तीन हजार कैद्यांसाठी नवीन अत्याधुनिक कारागृह उभारणीसाठी प्रशासनाकडून खुल्या कारागृहाच्या आवारातील तीस एकर जागा निश्चित करण्यात आली आहे.
संदीप भातकर, येरवडा
राज्यातील सर्वांत मोठ्या येरवडा कारागृहात क्षमतेच्या दुप्पट कैदी असून, दिवसेंदिवस त्यात वाढ होत आहे. त्यामुळे तीन हजार कैद्यांसाठी नवीन अत्याधुनिक कारागृह उभारणीसाठी प्रशासनाकडून खुल्या कारागृहाच्या आवारातील तीस एकर जागा निश्चित करण्यात आली आहे. सार्वजनिक बांधकाम विभागाकडून नुकताच जागेचे सर्वेक्षण करण्यात आले आहे.
राज्यातील कारागुहे कैद्यांनी तुडुंब भरली असून, सर्वच कारागृहांत कैद्यांना जागा अपुरी पडत आहे. राज्यात नऊ मध्यवर्ती, २८ जिल्हा, १६ खुली, महिला, किशोर व विशेष कारागृह प्रत्येकी एक आणि एक खुली वसाहत अशी एकूण ६० कारागृहे आहेत. या ६० कारागृहांत २३ हजार २१७ एवढी अधिकृत कैदी क्षमता असताना आजघडीला ३२ हजार २४६ कैदी वास्तव्याला आहेत. विशेष म्हणजे करोनाच्या पार्श्वभूमीवर कारागृह प्रशासनाने सुमारे ११ हजार कैद्यांना जामिनावर सोडूनही राज्यातील कारागृहे भरलेलीच आहेत.
त्यामुळे सरकारने राज्यात येरवडा, ठाणे, नागपूर, मुंबई आणि नाशिक जिल्ह्यांत नवीन कारागृहे उभारण्याचा निर्णय घेतला होता. राज्यातील सर्वांत मोठ्या येरवडा कारागृहाची क्षमता २४४९ असताना प्रत्यक्षात ५७२३ कैदी दाटीवाटीने राहत आहेत.
येरवडा नवीन मध्यवर्ती कारागृहासाठी खुल्या कारागृहाच्या आवारातील तीस एकर जागा प्रशासनाने निश्चित केली आहे. बांधकाम विभागाकडून जागेचे सर्वेक्षण पूर्ण झाले आहे. नवीन कारागृहात आधुनिक पद्धतीचे स्वयंपाक गृह, सुसज रुग्णालय, प्रसाधन गृहे, धान्य गोदामची सुविधा असणार आहे. येरवडा मध्यवर्ती कारागृहाप्रमाणे नवीन मध्यवर्ती कारागृहात सराईत कैद्यांसाठी तीस खोल्यांचा अतिसुरक्षा विभाग (अंडा सेल), पन्नास खिडक्यांचा मुलाखत कक्षदेखील उभारण्यात येणार आहे. प्रशासकीय इमारतीत अधीक्षक, तुरुंगाधिकारी कार्यालये, न्याय, अस्थापना, कारखाना विभाग असणार आहे. कारागृहाच्या भोवती दहा फुटांची आणि बाहेरील बाजूने २१ फुटांची सीमाभिंत बांधली जाणार आहे.
येरवडा मध्यवर्ती कारागृहात कैद्यांची संख्या क्षमतेच्या दुप्पट झाली असून, त्यात सातत्याने वाढ आहे. त्यामुळे नवीन कारागृह उभारणीचे प्रयत्न प्रशासनाकडून सुरू होते. अखेर नवीन कारागृहासाठी खुल्या कारागृहाच्या आवारातील तीस एकर जागा निश्चित केली असून, पुढील कार्यवाहीसाठी सार्वजनिक बांधकाम विभागाकडे प्रस्ताव पाठवला आहे. येरवडा कारागृहात न्यायाधीन (कच्चे) कैद्यांची संख्या खूप आहे. अशा कैद्यांसाठी प्रामुख्याने नवीन कारागृह उभारले जात आहे.
- यू. टी. पवार, अधीक्षक, येरवडा मध्यवर्ती कारागृह
येरवडा कारागृह प्रशासनाकडून नवीन कारागृह उभारणीसाठी जागा निश्चित झाल्यावर सार्वजनिक बांधकाम विभागाकडून जागेचे सर्वेक्षण पूर्ण झाले आहे. पुढील कार्यवाहीसाठी प्रस्ताव वास्तुविशारदाकडे पाठविला जाणार आहे. बांधकामाचा आराखडा प्राप्त झाल्यावर कारागृह प्रशासनाला प्रस्ताव सादर केला जाईल. तो मंजूर झाल्यावर अंदाजपत्रक तयार केले जाईल.
- अजय देशपांडे, शाखा अभियंता, सार्वजनिक बांधकाम विभाग
राज्यातील सर्वांत मोठ्या येरवडा कारागृहात क्षमतेच्या दुप्पट कैदी असून, दिवसेंदिवस त्यात वाढ होत आहे. त्यामुळे तीन हजार कैद्यांसाठी नवीन अत्याधुनिक कारागृह उभारणीसाठी प्रशासनाकडून खुल्या कारागृहाच्या आवारातील तीस एकर जागा निश्चित करण्यात आली आहे. सार्वजनिक बांधकाम विभागाकडून नुकताच जागेचे सर्वेक्षण करण्यात आले आहे.
राज्यातील कारागुहे कैद्यांनी तुडुंब भरली असून, सर्वच कारागृहांत कैद्यांना जागा अपुरी पडत आहे. राज्यात नऊ मध्यवर्ती, २८ जिल्हा, १६ खुली, महिला, किशोर व विशेष कारागृह प्रत्येकी एक आणि एक खुली वसाहत अशी एकूण ६० कारागृहे आहेत. या ६० कारागृहांत २३ हजार २१७ एवढी अधिकृत कैदी क्षमता असताना आजघडीला ३२ हजार २४६ कैदी वास्तव्याला आहेत. विशेष म्हणजे करोनाच्या पार्श्वभूमीवर कारागृह प्रशासनाने सुमारे ११ हजार कैद्यांना जामिनावर सोडूनही राज्यातील कारागृहे भरलेलीच आहेत.
त्यामुळे सरकारने राज्यात येरवडा, ठाणे, नागपूर, मुंबई आणि नाशिक जिल्ह्यांत नवीन कारागृहे उभारण्याचा निर्णय घेतला होता. राज्यातील सर्वांत मोठ्या येरवडा कारागृहाची क्षमता २४४९ असताना प्रत्यक्षात ५७२३ कैदी दाटीवाटीने राहत आहेत.
येरवडा नवीन मध्यवर्ती कारागृहासाठी खुल्या कारागृहाच्या आवारातील तीस एकर जागा प्रशासनाने निश्चित केली आहे. बांधकाम विभागाकडून जागेचे सर्वेक्षण पूर्ण झाले आहे. नवीन कारागृहात आधुनिक पद्धतीचे स्वयंपाक गृह, सुसज रुग्णालय, प्रसाधन गृहे, धान्य गोदामची सुविधा असणार आहे. येरवडा मध्यवर्ती कारागृहाप्रमाणे नवीन मध्यवर्ती कारागृहात सराईत कैद्यांसाठी तीस खोल्यांचा अतिसुरक्षा विभाग (अंडा सेल), पन्नास खिडक्यांचा मुलाखत कक्षदेखील उभारण्यात येणार आहे. प्रशासकीय इमारतीत अधीक्षक, तुरुंगाधिकारी कार्यालये, न्याय, अस्थापना, कारखाना विभाग असणार आहे. कारागृहाच्या भोवती दहा फुटांची आणि बाहेरील बाजूने २१ फुटांची सीमाभिंत बांधली जाणार आहे.
येरवडा मध्यवर्ती कारागृहात कैद्यांची संख्या क्षमतेच्या दुप्पट झाली असून, त्यात सातत्याने वाढ आहे. त्यामुळे नवीन कारागृह उभारणीचे प्रयत्न प्रशासनाकडून सुरू होते. अखेर नवीन कारागृहासाठी खुल्या कारागृहाच्या आवारातील तीस एकर जागा निश्चित केली असून, पुढील कार्यवाहीसाठी सार्वजनिक बांधकाम विभागाकडे प्रस्ताव पाठवला आहे. येरवडा कारागृहात न्यायाधीन (कच्चे) कैद्यांची संख्या खूप आहे. अशा कैद्यांसाठी प्रामुख्याने नवीन कारागृह उभारले जात आहे.
- यू. टी. पवार, अधीक्षक, येरवडा मध्यवर्ती कारागृह
येरवडा कारागृह प्रशासनाकडून नवीन कारागृह उभारणीसाठी जागा निश्चित झाल्यावर सार्वजनिक बांधकाम विभागाकडून जागेचे सर्वेक्षण पूर्ण झाले आहे. पुढील कार्यवाहीसाठी प्रस्ताव वास्तुविशारदाकडे पाठविला जाणार आहे. बांधकामाचा आराखडा प्राप्त झाल्यावर कारागृह प्रशासनाला प्रस्ताव सादर केला जाईल. तो मंजूर झाल्यावर अंदाजपत्रक तयार केले जाईल.
- अजय देशपांडे, शाखा अभियंता, सार्वजनिक बांधकाम विभाग