येरवडा : लोहगाव विमानतळ परिसरात असलेल्या हवाई दलातील अधिकाऱ्यांच्या निवासस्थानांचे मोबाइलमधून चित्रीकरण केल्याच्या संशयावरून एका तरुणाला ताब्यात घेण्यात आले आहे. स्थानिक पोलिस, गुप्तचर यंत्रणा; तसेच दहशतवादविरोधी पथक त्याची कसून चौकशी करीत आहे.
हवाई दलाच्या अधिकाऱ्यांच्या निवासस्थान परिसरात हा तरुण डिलिव्हरी बॉय म्हणून काम करतो. नेहमीप्रमाणे तो मंगळवारी डिलिव्हरी करण्यासाठी जात असताना त्याच्यासोबत असलेल्या मिलिटरी पोलिसांच्या लक्षात हा प्रकार आला. या वेळी त्याला ताब्यात घेऊन त्याच्या मोबाइलची तपासणी करण्यात आली. त्यामध्ये निवासस्थान परिसराच्या काही क्लिपिंग्ज आढळून आल्या आहेत. हा परिसर चांगला व स्वच्छ असल्याने मी त्याचे रेकॉर्डिंग केल्याचा दावा या तरुणाने केला आहे. लष्कराने सर्जिकल स्ट्राइक केल्यानंतर देशभरात हाय अलर्ट देण्यात आला आहे. लोहगाव विमानतळ हा हवाई दलाचा संवेदनशील तळ आहे.
हवाई दलाच्या अधिकाऱ्यांच्या निवासस्थान परिसरात हा तरुण डिलिव्हरी बॉय म्हणून काम करतो. नेहमीप्रमाणे तो मंगळवारी डिलिव्हरी करण्यासाठी जात असताना त्याच्यासोबत असलेल्या मिलिटरी पोलिसांच्या लक्षात हा प्रकार आला. या वेळी त्याला ताब्यात घेऊन त्याच्या मोबाइलची तपासणी करण्यात आली. त्यामध्ये निवासस्थान परिसराच्या काही क्लिपिंग्ज आढळून आल्या आहेत. हा परिसर चांगला व स्वच्छ असल्याने मी त्याचे रेकॉर्डिंग केल्याचा दावा या तरुणाने केला आहे. लष्कराने सर्जिकल स्ट्राइक केल्यानंतर देशभरात हाय अलर्ट देण्यात आला आहे. लोहगाव विमानतळ हा हवाई दलाचा संवेदनशील तळ आहे.