जाब विचारल्यामुळे मोबाइल फेकून मारला

पुणे: सय्यदनगर येथे रस्त्यावर शिवीगाळ करणाऱ्या तरुणाला विचारणा केल्यामुळे त्याने महिलेला मोबाइल फेकून मारला. यात महिलेच्या डोक्याला सहा टाके पडले आहेत. या प्रकरणी वानवडी पोलिस ठाण्यात गुन्हा दाखल करण्यात आला आहे.

अफसाना वलीअल्ला खाजी (वय ३५, दोघे रा. सय्यदनगर गल्ली क्रमांक १४) असे जखमी महिलेचे नाव आहे. या प्रकरणी अरबाज परवेज सय्यद (वय २४) याला अटक केली आहे. पोलिसांनी दिलेल्या माहितीनुसार, तक्रारदार महिला व आरोपी सय्यद एकाच भागात राहतात. त्यांची ओळख आहे. मंगळवारी दुपारी अफसाना या गप्पा मारत उभ्या होत्या. त्या वेळी सय्यदने 'आवाज कमी कर,' म्हणून शिव्या देऊ लागला. अफसाना यांनी शिव्या कशाला देतो, असे विचारले. त्या वेळी त्याने जोरात मोबाइल फेकून मारला. तो अफसाना यांच्या डोक्यात बसल्याने त्या गंभीर जखमी झाल्या. त्यांना सहा टाके पडले आहेत. या प्रकरणी पोलिस हवालदार संजय तावरे तपास करीत आहेत.