मुरूड: रायगड जिल्ह्यातील मुरूड तालुक्यातील काशिद समुद्रकिनाऱ्यापासून साधारण दोन ते तीन किलोमीटरवर असलेल्या एका फार्महाऊसवर आयकर विभागाने छापा मारला. हे फार्महाऊस झरीना दारूवाला यांचे आहे. ६ डिसेंबर रोजी रात्री उशिरा ही कारवाई सुरू झाल्याचे समजते. २४ तास आयकर विभागाच्या अधिकाऱ्यांकडून झडती सुरू होती. या कारवाईबाबत कमालीची गुप्तता पाळण्यात आली होती. मिळालेल्या माहितीनुसार, गेल्या काही दिवसांपासून राज्यात विविध ठिकाणी आयकर आणि ईडीच्या पथकांकडून धाडसत्र सुरू आहे. त्यानंतर आता रायगड जिल्ह्यातील मुरूड तालुक्यातील फार्महाऊसवर आयकर विभागाच्या पथकाने छापा मारला. सोमवारी रात्री अधिकाऱ्यांनी झाडाझडती सुरू केली. मंगळवारी संध्याकाळी सहा वाजेपर्यंत ही कारवाई सुरू होती. २४ तासांहून अधिक काळ सुरू असलेल्या या कारवाईबाबत कमालीची गुप्तता पाळण्यात आली होती.
सूत्रांच्या माहितीनुसार, ६ डिसेंबर, सोमवारी रात्री दहा वाजता दोन ते तीन कारमधून १३ आयकर विभागाचे अधिकारी फार्महाऊसवर पोहोचले. त्यावेळी तेथील कामगार फार्महाऊस बंद करून घरी गेले होते. आयकर विभागाच्या अधिकाऱ्यांनी केअर टेकरच्या घरी जाऊन त्यांना बोलावून घेतले. सर्व चाव्या ताब्यात घेतल्या. यावेळी मुरूड पोलिसांनाही बोलावून घेण्यात आले होते. मुरूड पोलीस ठाण्यातील काही अधिकारी या ठिकाणी येऊन गेले. या संपूर्ण कारवाईदरम्यान या ठिकाणी पोलीस बंदोबस्त ठेवण्यात आला होता.
दिवंगत यझदी दारूवाला यांचा हा फार्महाऊस असून, ते शापुरची पालनजी यांच्या कंपनीत विविध पदांवर कार्यरत होते. समुद्रकिनारी असलेला हा फार्महाऊस दारूवाला यांच्या पत्नी झरीना दारूवाला यांच्या नावे आहे. आयकर विभागाच्या अधिकाऱ्यांनी या कारवाईदरम्यान येथील कामगारांचे मोबाइल ताब्यात घेतले होते, अशी माहिती मिळते. सोमवारी रात्री सुरू झालेली कारवाई मंगळवारी सायंकाळी सहा वाजेपर्यंत सुरू होती. या दरम्यान बंगल्यावरील नोकरांना मालकांसोबत संपर्क साधू दिला नाही. तसेच मालकांपैकी कोणाशीही आयकर विभागाचे अधिकारीही बोलले नाही. दारुवाला कुटुंबीय मुबंईतील दादर येथे वास्तव्यास असतात.
याबाबत झरीना दारुवाला यांच्या कन्या झेनिबिया फराड उनवाला-दारुवाला यांच्याशी संपर्क साधला असता, त्यांनी आयकर विभागाच्या धाडीबाबत आपल्याला कोणतीच पूर्वकल्पना नव्हती. तसेच झडती घेतल्यानंतर आपल्या माणसांकरवी हा प्रकार समजला. चुकीच्या माहितीच्या आधारे ही धाड टाकण्यात आल्याचे त्यांनी सांगितले. मात्र, त्यांना काही आक्षेपार्ह आढळले नसून, सर्व फाईल्स त्यांनी पाहिल्या, त्यानंतर सोबत काहीही नेण्यात आले नसल्याचेही झेनिबिया यांनी प्रतिनीधीशी बोलताना सांगितले. तर, कोणत्या तक्रारीच्या आधारे ही धाड टाकण्यात आली आहे, याची आम्ही माहिती घेणार असल्याचेही झेनिबिया दारुवाला यांनी सांगितले. सूत्रांकडून मिळालेल्या माहितीनुसार आयकर विभागाने या फार्महाऊसवर सापडलेल्या काही आक्षेपार्ह वस्तू आणि कागदपत्रेही सोबत नेल्याचे कळते.
सूत्रांच्या माहितीनुसार, ६ डिसेंबर, सोमवारी रात्री दहा वाजता दोन ते तीन कारमधून १३ आयकर विभागाचे अधिकारी फार्महाऊसवर पोहोचले. त्यावेळी तेथील कामगार फार्महाऊस बंद करून घरी गेले होते. आयकर विभागाच्या अधिकाऱ्यांनी केअर टेकरच्या घरी जाऊन त्यांना बोलावून घेतले. सर्व चाव्या ताब्यात घेतल्या. यावेळी मुरूड पोलिसांनाही बोलावून घेण्यात आले होते. मुरूड पोलीस ठाण्यातील काही अधिकारी या ठिकाणी येऊन गेले. या संपूर्ण कारवाईदरम्यान या ठिकाणी पोलीस बंदोबस्त ठेवण्यात आला होता.
दिवंगत यझदी दारूवाला यांचा हा फार्महाऊस असून, ते शापुरची पालनजी यांच्या कंपनीत विविध पदांवर कार्यरत होते. समुद्रकिनारी असलेला हा फार्महाऊस दारूवाला यांच्या पत्नी झरीना दारूवाला यांच्या नावे आहे. आयकर विभागाच्या अधिकाऱ्यांनी या कारवाईदरम्यान येथील कामगारांचे मोबाइल ताब्यात घेतले होते, अशी माहिती मिळते. सोमवारी रात्री सुरू झालेली कारवाई मंगळवारी सायंकाळी सहा वाजेपर्यंत सुरू होती. या दरम्यान बंगल्यावरील नोकरांना मालकांसोबत संपर्क साधू दिला नाही. तसेच मालकांपैकी कोणाशीही आयकर विभागाचे अधिकारीही बोलले नाही. दारुवाला कुटुंबीय मुबंईतील दादर येथे वास्तव्यास असतात.
याबाबत झरीना दारुवाला यांच्या कन्या झेनिबिया फराड उनवाला-दारुवाला यांच्याशी संपर्क साधला असता, त्यांनी आयकर विभागाच्या धाडीबाबत आपल्याला कोणतीच पूर्वकल्पना नव्हती. तसेच झडती घेतल्यानंतर आपल्या माणसांकरवी हा प्रकार समजला. चुकीच्या माहितीच्या आधारे ही धाड टाकण्यात आल्याचे त्यांनी सांगितले. मात्र, त्यांना काही आक्षेपार्ह आढळले नसून, सर्व फाईल्स त्यांनी पाहिल्या, त्यानंतर सोबत काहीही नेण्यात आले नसल्याचेही झेनिबिया यांनी प्रतिनीधीशी बोलताना सांगितले. तर, कोणत्या तक्रारीच्या आधारे ही धाड टाकण्यात आली आहे, याची आम्ही माहिती घेणार असल्याचेही झेनिबिया दारुवाला यांनी सांगितले. सूत्रांकडून मिळालेल्या माहितीनुसार आयकर विभागाने या फार्महाऊसवर सापडलेल्या काही आक्षेपार्ह वस्तू आणि कागदपत्रेही सोबत नेल्याचे कळते.