रत्नागिरी: प्रेमास नकार दिला म्हणून एका तरुणाने तरुणीवर जीवघेणा हल्ला करून स्वत: आत्महत्या करण्याचा प्रयत्न केल्याची घटना संगमेश्वर तालुक्यातील माखजन येथे घडली आहे. १७ वर्षीय पीडित तरुणी ज्यूनिअर कॉलेजची विद्यार्थिनी आहे. पीडित तरुणी आपल्यावर प्रेम करत नाही याचा तरुणाच्या मनात राग होता. एकतर्फी प्रेम करणाऱ्या तरुणाने कॉलेजच्या बाहेर भर रस्त्यात तरुणीवर चाकूने व बाटलीने हल्ला केला. ही घटना आज सकाळी १०.१५ वाजण्याच्या सुमारास घडली.
पीडित तरुणीवर संगमेश्वर ग्रामीण रुग्णालयात उपचार केल्यावर अधिक तातडीच्या पुढील उपचारासाठी जिल्हा रुग्णालयात हलवण्यात आले आहे. तरुणीवर चाकू आणि बाटलीने डोक्यावर, तसेच मानेवर वार केल्यानंतर आरोपी तरुणाने हाताची शीर कापून स्वत:च्या मानेवर वार करून आत्महत्येचा प्रयत्न केला. त्यालाही संगमेश्वर ग्रामीण रुग्णालयात उपचारासाठी दाखल करण्यात आले आहे. हल्लेखोर तरुणाच्या प्रकृतीला धोका नसल्याचे वैद्यकिय सूत्रांनी सांगितले. हल्लेखोर तरूण मुंबईतून आल्याचे समजते.
घटनेची खबर मिळताच पोलिसांनी घटनास्थळी धाव घेतली. स्थानिकांनी रुग्णवाहिकाच्या मदतीने दोघांनाही उपचारासाठी रुग्णालयात दाखल केले. पीडित मुलगी इयत्ता ११ वीत शिकत असल्याचे पोलिसांनी सांगितले. संगमेश्वर पोलीस या घटनेचा तपास करत आहेत.
पीडित तरुणीवर संगमेश्वर ग्रामीण रुग्णालयात उपचार केल्यावर अधिक तातडीच्या पुढील उपचारासाठी जिल्हा रुग्णालयात हलवण्यात आले आहे. तरुणीवर चाकू आणि बाटलीने डोक्यावर, तसेच मानेवर वार केल्यानंतर आरोपी तरुणाने हाताची शीर कापून स्वत:च्या मानेवर वार करून आत्महत्येचा प्रयत्न केला. त्यालाही संगमेश्वर ग्रामीण रुग्णालयात उपचारासाठी दाखल करण्यात आले आहे. हल्लेखोर तरुणाच्या प्रकृतीला धोका नसल्याचे वैद्यकिय सूत्रांनी सांगितले. हल्लेखोर तरूण मुंबईतून आल्याचे समजते.
घटनेची खबर मिळताच पोलिसांनी घटनास्थळी धाव घेतली. स्थानिकांनी रुग्णवाहिकाच्या मदतीने दोघांनाही उपचारासाठी रुग्णालयात दाखल केले. पीडित मुलगी इयत्ता ११ वीत शिकत असल्याचे पोलिसांनी सांगितले. संगमेश्वर पोलीस या घटनेचा तपास करत आहेत.