मुंबई-गोवा मार्गावर बसला अपघात, २ ठार

मटा ऑनलाइन वृत्त । रत्नागिरी

मुंबईहून देवगडकडे जाणाऱ्या एका खासगी बसला अंजणारी घाटात अपघात झाला आहे. अपघातात २ ठार तर १८ जण जखमी झाल्याचे प्राथमिक वृत्त आहे. अपघातामुळे मुंबई-गोवा महामार्गावर वाहतूकीची कोंडी झाली आहे.

लांजाजवळच्या अंजणारी घाटात पहाटे एका खासगी बसला अपघात झाला. चालकाचे नियंत्रण सुटल्याने हा अपघात झाल्याचे समजते. अपघातातील जखमींवर लांज्यातील रुग्णालयात उपचार सुरु आहेत.

गणपतीसाठी कोकणात निघालेल्या खासगी वाहने, ट्रॅव्हल्स, एसटी बस यामुळे शनिवारी रात्रीपासून मुंबई-गोवा महामार्गावर तुफान गर्दी झाली होती. त्यातच सायन-पनवेल महामार्गावर जागोजागी अनेक गाड्यांचे ब्रेक डाऊन झाल्याने आणि थांब्यांवर प्रवाशांची मोठी गर्दी असल्याने वाहतूक कोंडीत भर पडली.