गोळीबारात अधिकारी, कॉन्स्टेबल ठार

गुहागर : दाभोळ येथील ‘आरजीपीएल’ या वीज कंपनीत तैनात असलेला केंद्रीय औद्योगिक सुरक्षा दलाचा (सीआयएसएफ) जवान हरीश कुमार गौंड याने केलेल्या अंदाधुंद गोळीबारात ‘सीआयएसएफ’चे सहाय्यक उपनिरीक्षक बाळू गणपत शिंदे आणि कॉन्स्टेबल रमिस पी. आर. यांचा मृत्यू झाला. त्यानंतर हरीशने पत्नीवरही गोळीबार करून स्वतःवरही गोळ्या झाडल्या. यात हे दोघेही जखमी झाले असून त्यांची प्रकृती गंभीर आहे.

मंगळवारी रात्री ड्युटी संपल्यानंतर बाळू शिंदे, रमिस आणि हरीश हे तिघे आपल्याजवळील रायफल आणि गोळ्या जमा करण्यासाठी जात असताना, त्यांच्यात ड्युटीवरून वाद झाला. या रागाच्या भरात हरिशने शिंदे आणि रमिस यांना गोळ्या घालून ठार केले. तर यानंतर हरीशने पत्नी प्रियांका गौंड हिच्यावरही गोळीबार केला आणि नंतर स्वतःवरही गोळ्या झाडल्या.