कणकवली नगरपंचायत 'स्वाभिमान'च्या हाती

कणकवली: कणकवली नगरपंचायतीच्या निवडणुकीत पहिल्यांदाच उतरलेल्या नारायण राणे यांच्या महाराष्ट्र स्वाभिमान पक्षाने दणदणीत विजय मिळविला आहे. महाराष्ट्र स्वाभिमान पक्षाने पहिल्याच झटक्यात १७ पैकी १० जागा जिंकत भाजप-शिवसेना युतीला पराभूत करून नगरपंचायतीवर वर्चस्व प्रस्थापित केलं आहे. या निवडणुकीत स्वाभिमान- राष्ट्रवादी काँग्रेस आघाडीचे नगराध्यक्षपदाचे उमेदवार समीर नलावडे हे सुद्धा निवडून आले आहेत.

कणकवली नगरपंचायतीच्या निवडणुकीसाठी भाजपने शिवसेनेसोबत युती केली होती. त्यामुळे महाराष्ट्र स्वाभिमान पक्षाने राष्ट्रवादीशी आघाडी करून ही निवडणूक लढवली लढवल्याने या निवडणुकीकडे संपूर्ण राज्याचे लक्ष लागले होते. मात्र राणे यांच्या स्वाभिमानने १७ पैकी १० जागा जिंकून सिंधुदुर्गात आपलंच वर्चस्व असल्याचं पुन्हा एकदा सिद्ध केलं आहे. या निवडणुकीत राष्ट्रवादीचा एका जागेवर विजय झाला आहे. शिवसेना आणि भाजपने प्रत्येकी तीन जागांवर विजय मिळविला आहे. स्वाभिमानचे नगराध्यक्षपदाचे उमेदवार समीर नलावडे यांचा ३७ मतांनी विजय झाला आहे.

संदेश पारकर पराभूत

भाजप-शिवसेना युतीचे नगराध्यक्षपदाचे उमेदवार संदेश पारकर यांचा स्वाभिमान-राष्ट्रवादी आघाडीचे उमेदवार समीर नलावडे यांनी अवघ्या ३७ मतांनी पराभव केला. अत्यंत अटीतटीच्या या निवडणुकीत स्वाभिमानने पारकर यांचा पराभव केल्याने हा भाजप-सेनेला मोठा झटका असल्याचं मानलं जात आहे.


विजयी उमेदवार:

>> प्रभाग १ - कविता किशोर राणे (स्वाभिमान)

>> प्रभाग २- प्रतीक्षा सावंत (स्वाभिमान),

>> प्रभाग ३- अभिजित मुसळे (स्वाभिमान)

>> प्रभाग ४- अबीद नाईक (राष्ट्रवादी)

>> प्रभाग ५- मेघा गांगण (स्वाभिमान)

>> प्रभाग ६- सुमेधा अंधारी (भाजपा)

>> प्रभाग ७- सुप्रिया नलावडे (स्वाभिमान),

>> प्रभाग ८- उर्मी जाधव (स्वाभिमान),

>> प्रभाग ९ - मेघा सावंत (भाजपा)

>> प्रभाग १०- माही परुळेकर (शिवसेना),

>> प्रभाग ११- विराज भोसले (स्वाभिमान)

>> प्रभाग १२- गणेश उर्फ बंडू हर्णे (स्वाभिमान),

>> प्रभाग १३ - सुशांत नाईक - शिवसेना

>> प्रभाग १४ - रुपेश नार्वेकर (भाजप

>> प्रभाग १५- मानसी मुंज (शिवसेना),

>> प्रभाग १६- संजय कामतेकर (स्वाभिमान)

>> प्रभाग १७ - रवींद्र गायकवाड (स्वाभिमान)