नवरात्रीच्या ओल्या घाटांचे आज विसर्जन

रत्नागिरीः शारदीय नवरात्र उत्सव गेल्या रविवारी २९तारखेला परंपरेनुसार पैरोहित्याखाली ओल्या घटाच्या देवीची ९धान्य पेरून व माळ घालून स्थापना करण्यात आली व नवरात्र उत्सवास प्रारंभ झाला. आज दुर्गाष्टमी दिनी सकाळी पुन्हा विधिवत पूजा करून घट उठविण्यात आले आणि या घाटामधून आलेला धान्याचे कोंब रुपी रोव गावच्या ग्रामदैवते जवळ अर्पण करण्यात आले. या सोहळ्याला संगमेश्वर- करजुवे पंचक्रोशीतील ग्रामस्थांनी श्रीदेवी तळेकरीण देवस्थान मध्ये गर्दी केली होती संपूर्ण गाव आज दिवसभर देवीच्या दर्शनासाठी उपस्थित होता. सुवासिनींनी देवीची ओटी भरली.

करजुवेची ग्रामदेवता श्रीदेवी तळेकरीण (आंबामाता) च्या मंदिराच्या परिसरात राहणाऱ्या शंकर गुरव आणि कुटुंबियांच्या घरी आज सकाळी ९:३० च्या सुमारास समस्त खोत व मानकऱ्यांच्या उपस्थितीत वर्षानुवर्षांची परंपरा शंकर गुरव यांच्या घरी श्री तळेकरीणदेवी अंबामातेची रूप लावण्यात आली त्यानंतर नवरात्र उत्सवातील विधिवत परंपरे नुरुप पूजा-अर्चा झाल्यावर समस्थ घरा-घरातून आलेल्या मंडळींनी घरातील घाटाचे विसर्जन करून घाटातील रोपे श्रीदेवी चरणी विधिवत वाहून विसर्जित केली असा सोहळा अत्यंत धार्मिक पद्धतीने परंपरागत पद्धतीने यावर्षीही पार पडला . अष्टमीला लावलेली हि रूप दसऱ्या पर्यंत गुरव यांच्या घरी लागलेली असतात समस्त गावकऱ्यांचा सोने लुटण्याचा कार्यक्रम देवीच्या मंदिरात होऊन नवरात्र उत्सवाची सांगता होणार आहे.