सिंधुदुर्गला ओखीचा तडाखा; सतर्कतेचा इशारा

सिंधुदुर्ग: केरळ-तामिळनाडूच्या किनारपट्टीवरील ओखी वादळाचा तडाखा सिंधुदुर्गलाही बसला आहे. समुद्रात मोठ्या लाटा उसळत असून मच्छीमारांना समुद्रात न जाण्याचा इशारा देण्यात आला आहे. काल सर्वात सुरक्षित असलेल्या देवगड बंदरात केरळमधील ६३ नौका आश्रयाला आल्या असून या नौकांवर ८०० कर्मचारी आहेत. त्यांना आपत्ती निवारण कक्षाकडून मदत देण्यात आली.

दरम्यान आज( सोमवारी ) पहाटे बंदरानजीक पोलिसांची सिंधु-२ ही गस्त नौका बुडाली. ती वरा काढण्याचे प्रयत्न चालू आहेत. आज गुजरातच्या मच्छीमार नौका देवगड किनाऱ्यावर आल्या असून त्यांना जिल्हा प्रशासन मदत करीत आहे. राष्ट्रीय स्वयंसेवक संघाची एक टीम मदत कार्यासाठी दाखल झाली आहे. आमदार नितेश राणे यांनीही जीवनावश्यक वस्तूंचा पुरवठा करण्यात पुढाकार घेतला आहे.