म. टा. वृत्तसेवा, अलिबाग
पोलादपूरहून महाबळेश्‍वकडे जाणाऱ्या बीएमडब्ल्यू मोटारीवरील चालकाचा ताबा सुटल्याने ती आंबेनळी घाटातील दरीत कोसळली. सुदैवाने मोटार झाडाला अडकल्याने जीवितहानी टळली.
प्रशांत राजेंद्र सस्ते (२८, रा. भोसरी, पुणे) पोलादपूरहून महाबळेश्‍वर येथे जात होता. सकाळी साडेदहाच्या सुमारास दाभीळ येथे आल्यावर चालकाचा मोटारीवरील ताबा सुटला. दाभीळ टोक या पॉइंटपासून १ किमी अंतरावरील एका वळणावर ही मोटार ५० फूट खोल दरीत कोसळली. मात्र ती डोंगरावरील एका झाडाला अडकून राहिली. प्रशांतला थोडी दुखापत झाली असून, त्याला महाड येथील सरकारी दवाखान्यात उपचारासाठी दाखल करण्यात आले आहे.