रत्नागिरी: गेल्या काही महिन्यांमध्ये मातोश्रीची खप्पामर्जी झाल्यामुळे एकाकी पडलेले कोकणातील नेते रामदास कदम यांचे शिवसेनेत पुनर्वसन होण्याचे संकेत मिळत आहेत. उद्धव ठाकरे यांच्या मुंबईत १४ तारखेला होणाऱ्या सभेसाठी रामदास कदम यांना आमंत्रित करण्यात आले आहे. तर दुसरीकडे रामदास कदम यांनी लिहलेल्या 'जागर कदम वंशाचा' या पुस्तकाच्या प्रकाशन सोहळ्यात शिवसेनेचे मंत्री एकनाथ शिंदे यांनीही रामदास कदम यांना शिवसेनेत पुन्हा सक्रिय होण्याचे आवाहन केले. फक्त पुस्तकं लिहायचा आणि साहित्यिक बनण्याचा विचार करू नका. तुम्ही साहित्यिक होऊ शकता, पुस्तकं लिहू शकता. पण आपल्याला प्रवाहामध्ये राहायचं आहे. त्यामुळे तुमची सेकंड इनिंग जोरदार सुरु करा. आम्ही आपल्यासोबत आहोत, असे एकनाथ शिंदे यांनी जाहीरपणे सांगितले. त्यामुळे आता उद्धव ठाकरे आणि रामदास कदम यांच्यातील मतभेद दूर झाल्याचे दिसत आहे. पुन्हा आमदार योगेश कदमच
मातोश्रीची रामदास कदम यांच्यावरील नाराजी दूर झाल्यामुळे आता त्यांचे पूत्र योगेश कदम यांचाही मार्ग सुकर झाला आहे. काही दिवसांपूर्वी झालेल्या दापोली नगरपंचायत निवडणुकीत शिवसेनेत कदम आणि परब असे दोन उभे तट पडले होते. याचा फटका शिवसेनेला बसला होता. त्यामुळे विद्यमान आमदार योगेश कदम यांची भविष्यातील वाटचाल अवघड असल्याचे बोलले जात होते. मात्र, त्यानंतर आदित्य ठाकरे यांच्या कोकण दौऱ्यात योगेश कदम यांच्याशी आवर्जून संवाद साधला होता. दापोलीतील कार्यक्रमात त्यांनी योगेश कदम यांना स्टेजवर स्वत:च्या बाजूला बसवून त्यांच्याशी हितगूज केले होते. तेव्हादेखील रामदास कदम विरोधी गट अस्वस्थ झाल्याची चर्चा होती.
त्यानंतर आता एकनाथ शिंदे यांनीही रामदास कदम आणि योगेश कदम यांची पाठराखण केली आहे. एकनाथ शिंदे यांनी योगेश कदम यांना सांगितले की, तुला पुन्हा प्रचार करावा लागणार नाही,असा कायापालट कर. तुला जिथे लागतील तिथे विकासकामासाठी पैसे कमी पडणार नाहीत. लोकांनी ज्या अपेक्षेने निवडून दिले त्याला तू उतरला आहेसच, पण भविष्यात तुला प्रचारही करावा लागणार नाही, असे काम आपल्याला या मतदारसंघात करायचे आहे, असे सांगत पुन्हा या मतदारसंघाचे आमदार योगेश कदमच असतील असे स्पष्ट संकेत दिले. एकनाथ शिंदे यांचे हे वक्तव्य रामदास कदम यांच्या पक्षांअंतर्गत विरोधकांना हा एक प्रकारे दिलेला थेट इशाराच असल्याचे बोलले जात आहे. त्यामुळे आता पुन्हा दापोली खेड मंडणगड विधानसभा मतदारसंघात 'मातोश्री'कडून आमदार योगेश कदम यांना आशीर्वाद देण्यात आल्याचे बोलले जात आहे.
रामदास कदम विरोधी गट अस्वस्थ
विधानपरिषदेत उमेदवारी नाकारण्यात आली तेव्हापासूनच रामदास कदम शिवसेनेत फारसे सक्रिय नाहीत.त्यातच काही महिन्यांपूर्वी दापोली मंडणगड नगरपंचायतीत पालकमंत्री अनिल परब यांनी आमदार योगेश कदम यांना शह देत रामदास कदम यांचे पंख छाटण्याचे केलेले प्रयत्न व त्यावरून अनिल परब यांच्या विरोधात रामदास कदम यांनी घेतलेली थेट भूमिका झालेला अवघ्या महाराष्ट्राने अनुभवला. मात्र यात वादाचा फायदा येथील राजकरणात राष्ट्रवादीलाच झाला. तर चार दिवसांपूर्वी चिपळूण येथील बैठकीत शिवसेनेचा पदाधिकारी व कार्यकर्त्यांनी पालकमंत्री बदला, अशी केलेली मागणी एका तरुण नगरसेविकेने आपल्यावर झालेल्या अन्यायाला पक्षाच्या बैठकीत फोडलेली वाचा यामुळे आता या सगळ्या विषयाची शिवसेनेच्या पक्षनेतृत्वाने दखल घेतल्याचे आता बोलले जात आहे त्यामुळे सध्या रामदास कदम विरोधक अस्वस्थ असल्याच्या चर्चा सध्या रंगल्या आहेत.
मातोश्रीची रामदास कदम यांच्यावरील नाराजी दूर झाल्यामुळे आता त्यांचे पूत्र योगेश कदम यांचाही मार्ग सुकर झाला आहे. काही दिवसांपूर्वी झालेल्या दापोली नगरपंचायत निवडणुकीत शिवसेनेत कदम आणि परब असे दोन उभे तट पडले होते. याचा फटका शिवसेनेला बसला होता. त्यामुळे विद्यमान आमदार योगेश कदम यांची भविष्यातील वाटचाल अवघड असल्याचे बोलले जात होते. मात्र, त्यानंतर आदित्य ठाकरे यांच्या कोकण दौऱ्यात योगेश कदम यांच्याशी आवर्जून संवाद साधला होता. दापोलीतील कार्यक्रमात त्यांनी योगेश कदम यांना स्टेजवर स्वत:च्या बाजूला बसवून त्यांच्याशी हितगूज केले होते. तेव्हादेखील रामदास कदम विरोधी गट अस्वस्थ झाल्याची चर्चा होती.
त्यानंतर आता एकनाथ शिंदे यांनीही रामदास कदम आणि योगेश कदम यांची पाठराखण केली आहे. एकनाथ शिंदे यांनी योगेश कदम यांना सांगितले की, तुला पुन्हा प्रचार करावा लागणार नाही,असा कायापालट कर. तुला जिथे लागतील तिथे विकासकामासाठी पैसे कमी पडणार नाहीत. लोकांनी ज्या अपेक्षेने निवडून दिले त्याला तू उतरला आहेसच, पण भविष्यात तुला प्रचारही करावा लागणार नाही, असे काम आपल्याला या मतदारसंघात करायचे आहे, असे सांगत पुन्हा या मतदारसंघाचे आमदार योगेश कदमच असतील असे स्पष्ट संकेत दिले. एकनाथ शिंदे यांचे हे वक्तव्य रामदास कदम यांच्या पक्षांअंतर्गत विरोधकांना हा एक प्रकारे दिलेला थेट इशाराच असल्याचे बोलले जात आहे. त्यामुळे आता पुन्हा दापोली खेड मंडणगड विधानसभा मतदारसंघात 'मातोश्री'कडून आमदार योगेश कदम यांना आशीर्वाद देण्यात आल्याचे बोलले जात आहे.
रामदास कदम विरोधी गट अस्वस्थ
विधानपरिषदेत उमेदवारी नाकारण्यात आली तेव्हापासूनच रामदास कदम शिवसेनेत फारसे सक्रिय नाहीत.त्यातच काही महिन्यांपूर्वी दापोली मंडणगड नगरपंचायतीत पालकमंत्री अनिल परब यांनी आमदार योगेश कदम यांना शह देत रामदास कदम यांचे पंख छाटण्याचे केलेले प्रयत्न व त्यावरून अनिल परब यांच्या विरोधात रामदास कदम यांनी घेतलेली थेट भूमिका झालेला अवघ्या महाराष्ट्राने अनुभवला. मात्र यात वादाचा फायदा येथील राजकरणात राष्ट्रवादीलाच झाला. तर चार दिवसांपूर्वी चिपळूण येथील बैठकीत शिवसेनेचा पदाधिकारी व कार्यकर्त्यांनी पालकमंत्री बदला, अशी केलेली मागणी एका तरुण नगरसेविकेने आपल्यावर झालेल्या अन्यायाला पक्षाच्या बैठकीत फोडलेली वाचा यामुळे आता या सगळ्या विषयाची शिवसेनेच्या पक्षनेतृत्वाने दखल घेतल्याचे आता बोलले जात आहे त्यामुळे सध्या रामदास कदम विरोधक अस्वस्थ असल्याच्या चर्चा सध्या रंगल्या आहेत.