रत्नागिरी: गणपतीपुळे येथील समुद्रात आज सकाळी दोन तरुणींसह तिघे जण बुडाले. हे तिघेही कोल्हापूरहून पर्यटनासाठी आले होते. दोघींचे मृतदेह सापडले असून, बेपत्ता तरुणाचा शोध घेण्यात येत आहे. कोल्हापुरातील कसबा बावडा येथील तिघे जण पर्यटनासाठी गणपतीपुळे येथे आले होते. आज सकाळी ते समुद्रात पोहण्यासाठी उतरले असता, पाण्याचा अंदाज न आल्याने बुडाले. काजल जयसिंग मचले (वय १८), सुमन विशाल मचले (वय २३) आणि उमेश बागडे (वय २७) अशी मृतांची नावे आहेत. त्यातील सुमन आणि काजलचा मृतदेह सापडला असून, उमेश बेपत्ता आहे. त्याचा शोध घेण्यात येत आहे. तर किसन मचले, पूजा बागडे, निर्मला मचले आणि ऐश्वर्या नारकर या चौघांना वाचवण्यात सुरक्षा आणि जीवरक्षकांना यश आलं आहे.
गणपतीपुळे समुद्रात कोल्हापूरचे ३ पर्यटक बुडाले
गणपतीपुळे येथील समुद्रात आज सकाळी दोन तरुणींसह तिघे जण बुडाले. हे तिघेही कोल्हापूरहून पर्यटनासाठी आले होते. दोघींचे मृतदेह सापडले असून, बेपत्ता तरुणाचा शोध घेण्यात येत आहे.
महाराष्ट्र टाइम्स.कॉम 17 Aug 2019, 11:27 am
हायलाइट्स:
- गणपतीपुळे येथील समुद्रात तिघे पर्यटक बुडाले
- दोन तरुणींचे मृतदेह सापडले, तरुणाचा शोध सुरू
- तिघेही कोल्हापुरातील कसबा बावडा येथील रहिवासी
- बेपत्ता तरुणाचा शोध सुरू