दगडफेकीत एसटी चालक रक्तबंबाळ

मटा ऑनलाइन वृत्त । खेड

खेड आगारातील एसटी चालक संतोष कदम यांना साईड देण्याच्या कारणावरून कार चालकांनी दगडांनी मारल्याची धक्कादायक घटना घडली असून या हल्ल्यात चालक कदम यांच्या डोक्याला गंभीर दुखापत झाली आहे. कदम यांना उपचारासाठी येथील कळंबनी रुग्णालयात दाखल करण्यात आले आहे.

चालक संतोष कदम खेड-आपेडे ही साडेपाच वाजताची बस घेऊन आपेडेला गेले होते. तिथून परतत असताना शिरवली रेल्वे फाटकाजवळ मागून येणाऱ्या मारुती-८०० ( कार क्र. एम एच ०४ एक्स २५२३) मधील तरुणांनी खाली उतरून बसवर दगडफेक केली. यात कदम यांच्या डोक्याला गंभीर दुखापत झाली आहे.