सप्तीलिंगी नदीत नवी मुंबईचे तिघे बुडाले

रत्नागिरीः

संगमेश्वरमधील आंबवली येथील सप्तीलिंगी नदीत महाकालीच्य डोहामध्ये पोहायला गेलेले वडील मुलगा व पुतण्या अशा तिघांचा बुडून मृत्यू झाला. आज सकाळी ८ वाजेच्या सुमाराला हे सर्वजण आंघोळीला डोहात उतरले होते. डोहाच्या खोलीचा अंदाज नसल्याने या तिघांचाही एकाच वेळी बुडून अंत झाला.

जनार्धन संभाजी पांचाळ (वय ४३), रोशन जनार्धन पांचाळ (वय १४) आणि ओंकार अनिल पांचाळ (वय १६) अशी मृतांची नावं आहेत. हे तिघेही नावी मुंबईतील सी-वूड येथील राहणारे आहेत. सुट्टीसाठी ते आपल्या संगमेश्वर आंबवली गावी कुटुंबासह आले होते. आज सकाळी ते सर्वजण आंघोळीसाठी म्हणून नदीवर गेले होते. घटनेची माहिती संगमेश्वरमधील ग्रामस्थांना कळताच त्यांनी घटनास्थळी मदत कार्यासाठी धावून गेले. पोलीस व ग्रामस्थांनी तिघांचे मृतदेह बाहेर काढून संगमेश्वर रूग्णालयात दाखल केले. पोहण्यासाठी मागावून गेलेला प्रसाद पांचाळ सुदैवाने बचावला, असं स्थानिकांनी सांगितलं.