गानसम्राज्ञी लता मंगेशकर यांचे सांगली कनेक्शन; होते खास नाते!
मूळचे इंदौरचे मंगेशकर कुटुंबीय स्वातंत्र्यपूर्व काळात सांगलीत येऊन स्थायिक झाले. सांगलीतील संगीत नाटकांच्या परंपरेचा मंगेशकर भावंडांवर मोठा प्रभाव होता.
हायलाइट्स:
- सांगलीतील बालपणात मिळाले संगीताचे संस्कार
- लतादीदींवर होती सांगलीतील संगीत परंपरेची छाप
- सांगलीत झाला होता लतादीदींच्या गायनाचा श्री गणेशा
उद्धव गोडसे,
सांगलीः मूळचे इंदौरचे मंगेशकर कुटुंबीय स्वातंत्र्यपूर्व काळात सांगलीत येऊन स्थायिक झाले. सांगलीतील संगीत नाटकांच्या परंपरेचा मंगेशकर भावंडांवर मोठा प्रभाव होता. सांगलीत घालवलेल्या बालपणातच लता मंगेशकर यांना संगीताचे संस्कार मिळाले. मात्र अवघ्या पाच-सहा वर्षांच्या रहिवासानंतर मंगेशकर कुटुंबीयांना सांगली शहर सोडावे लागले. लहान वयात सांगलीत मिळालेल्या सांगीतिक संस्कारांचे ऋण त्यांनी आयुष्यभर जपले. लतादीदींच्या निधनाने आज सांगलीकर हळहळले आहेत. मूळचे इंदौरचे मास्टर दीनानाथ मंगेशकर स्वातंत्र्यपूर्व काळात, म्हणजे साधारण १९३५ च्या सुमारास कुटुंबासह सांगलीत आले. सांगलीतील सध्याच्या एसटी स्टँड पासून जवळच असलेल्या कोटणीस महाराजांच्या मठासमोर त्यांनी प्रशस्त घर घेतले होते. त्याकाळी मंगेशकर कुटुंबीयांचे घर म्हणजे संगीत नाटकातील नटमंडळी आणि गायकांसाठी हक्काचे ठिकाण बनले होते. संगीत आणि नाटक विषयी चर्चा, गाण्यांना चाली लावणे, रियाज करणे असे सांगीतिक वातावरण त्या घरात होते. लतादीदींवर त्याच सांगीतिक वातावरणाचा मोठा प्रभाव होता. त्यामुळे संगीतातील अनेक बाबी नकळत त्यांच्यामध्ये रुजलेल्या होत्या. त्यांच्या गायनाचा श्रीगणेशागही सांगलीतील घरातच झाला.
वाचाः ... म्हणून लता मंगेशकर यांचे पहिले गाणे कधीच प्रदर्शित झाले नाही
साधारण पाच-सहा वर्षांच्या रहिवासानंतर मंगेशकर कुटुंबीयांना सांगलीतील घर सोडावे लागले. मात्र सांगलीत मिळालेले संगीताचे बाळकडू हे कुटुंब कधीच विसरू शकले नाही. लता मंगेशकर यांनी अनेकदा जाहीरपणे सांगलीतील आठवणींना उजाळा देत सांगलीबद्दल कृतज्ञता व्यक्त केली होती. सांगलीकरांनी शहरातील काही सांस्कृतिक वास्तूंना मंगेशकर कुटुंबीयांचे नाव देऊन, त्यांच्या आठवणी कायम जपण्याचा प्रयत्न केला आहे. लता मंगेशकर यांच्या निधनाची बातमी समजताच सांगलीकर हळहळले. जुन्या पिढीतील संगीतप्रेमींनी लतादीदींच्या सांगलीतील आठवणी जाग्या करत त्यांना श्रद्धांजली वाहिली.
वाचाः लतादीदींचे निधन; राष्ट्रीय दुखवटा घोषित, PM मोदींकडून शोक व्यक्त...
सांगलीः मूळचे इंदौरचे मंगेशकर कुटुंबीय स्वातंत्र्यपूर्व काळात सांगलीत येऊन स्थायिक झाले. सांगलीतील संगीत नाटकांच्या परंपरेचा मंगेशकर भावंडांवर मोठा प्रभाव होता. सांगलीत घालवलेल्या बालपणातच लता मंगेशकर यांना संगीताचे संस्कार मिळाले. मात्र अवघ्या पाच-सहा वर्षांच्या रहिवासानंतर मंगेशकर कुटुंबीयांना सांगली शहर सोडावे लागले. लहान वयात सांगलीत मिळालेल्या सांगीतिक संस्कारांचे ऋण त्यांनी आयुष्यभर जपले. लतादीदींच्या निधनाने आज सांगलीकर हळहळले आहेत.
वाचाः ... म्हणून लता मंगेशकर यांचे पहिले गाणे कधीच प्रदर्शित झाले नाही
साधारण पाच-सहा वर्षांच्या रहिवासानंतर मंगेशकर कुटुंबीयांना सांगलीतील घर सोडावे लागले. मात्र सांगलीत मिळालेले संगीताचे बाळकडू हे कुटुंब कधीच विसरू शकले नाही. लता मंगेशकर यांनी अनेकदा जाहीरपणे सांगलीतील आठवणींना उजाळा देत सांगलीबद्दल कृतज्ञता व्यक्त केली होती. सांगलीकरांनी शहरातील काही सांस्कृतिक वास्तूंना मंगेशकर कुटुंबीयांचे नाव देऊन, त्यांच्या आठवणी कायम जपण्याचा प्रयत्न केला आहे. लता मंगेशकर यांच्या निधनाची बातमी समजताच सांगलीकर हळहळले. जुन्या पिढीतील संगीतप्रेमींनी लतादीदींच्या सांगलीतील आठवणी जाग्या करत त्यांना श्रद्धांजली वाहिली.
वाचाः लतादीदींचे निधन; राष्ट्रीय दुखवटा घोषित, PM मोदींकडून शोक व्यक्त...