सांगली: न्यायालयाचा बंदी आदेश असतानाही सांगली जिल्ह्यातील आटपाडी तालुक्यात शुक्रवारी पहाटे बैलगाडी शर्यत पार पडली. जिल्हा प्रशासनाच्या नाकावर टिच्चून आयोजकांनी बैलगाडी शर्यत पार पाडली. संचारबंदी नाकाबंदी आणि प्रचंड पोलिस बंदोबस्तानंतरही शर्यत पार पडल्याने कोर्टाच्या आदेशाचे पालन करण्यात जिल्हा प्रशासन अपयशी ठरले. जिल्हाधिकारी अभिजीत चौधरी यांनी आता शर्यतीच्या चौकशीचे आदेश दिले आहेत. त्यानंतर दोषींवर कारवाई करणार असल्याचे त्यांनी सांगितले आहे. त्यामुळे शर्यतीचे आयोजक आमदार गोपीचंद पडळकर यांच्यावर काय कारवाई केली जाते याकडे सर्वांचे लक्ष लागले आहे. ( Gopichand Padalkar Bullock Cart Race Update ) वाचा: ठाकरे सरकारचा नारायण राणेंना दणका; जन आशीर्वाद यात्रेवर मोठी कारवाई
बैलगाडी शर्यतीचा वाद न्यायालयात असतानाही गेल्या काही दिवसांपासून लोकप्रतिनिधींकडून या मुद्द्याचे राजकारण सुरू आहे. भाजप आमदार गोपीचंद पडळकर यांनी बैलगाडी शर्यतीला कायदेशीर परवानगी मिळावी यासाठी आटपाडी तालुक्यातील झरे येथे शर्यतीचे आयोजन केले. सोशल मीडियातून याची जाहिरातबाजी करत वातावरण तापवले. पोलिसांना आव्हान देऊन त्यांनी शर्यती पार पाडणार असल्याचे जाहीर केले. दरम्यान, पोलीस प्रशासनाने आमदार गोपीचंद पडळकर यांना नोटिसा पाठवल्या. झरे गावाची नाकाबंदी केली. यानंतरही आमदार पडळकर यांच्या समर्थकांनी शर्यत पार पाडलीच.
वाचा: करोनाच्या तिसऱ्या लाटेबाबत CM ठाकरेंचा गंभीर इशारा; भाजपला सुनावले
शर्यतीचे व्हिडिओ सोशल मीडियातून व्हायरल झाल्यानंतर जिल्हा प्रशासनाला जाग आली. मध्यरात्रीपासूनच शर्यत शौकिनांची गर्दी झरे परिसरात एकवटत होती. मात्र पोलिसांनी कोणावरही कारवाई केली नाही. याबाबत जिल्हाधिकारी डॉ. अभिजीत चौधरी यांना विचारणा केली असता ते म्हणाले, संचारबंदी आणि पोलिसांच्या बंदोबस्तामुळे मोठ्या प्रमाणात होणारे शर्यतीचे आयोजन टाळता आले. प्रातिनिधिक स्वरूपात काही लोकांनी शर्यत पार पडल्याची माहिती मिळत आहे. याची चौकशी करण्याचे आदेश पोलिसांना दिले आहेत. चौकशीनंतर संबंधितांवर कायदेशीर कारवाई होईल. जिल्हाधिकाऱ्यांच्या या आदेशानंतर आयोजक गोपीचंद पडळकर यांच्यावर कारवाई होणार की नाही, हा कळीचा प्रश्न बनला आहे.
वाचा: ज्योती देवरेंच्या ऑडिओ क्लिपमुळं राजकारण तापलं; फडणवीसांचं थेट मुख्यमंत्र्यांना पत्र
बैलगाडी शर्यतीचा वाद न्यायालयात असतानाही गेल्या काही दिवसांपासून लोकप्रतिनिधींकडून या मुद्द्याचे राजकारण सुरू आहे. भाजप आमदार गोपीचंद पडळकर यांनी बैलगाडी शर्यतीला कायदेशीर परवानगी मिळावी यासाठी आटपाडी तालुक्यातील झरे येथे शर्यतीचे आयोजन केले. सोशल मीडियातून याची जाहिरातबाजी करत वातावरण तापवले. पोलिसांना आव्हान देऊन त्यांनी शर्यती पार पाडणार असल्याचे जाहीर केले. दरम्यान, पोलीस प्रशासनाने आमदार गोपीचंद पडळकर यांना नोटिसा पाठवल्या. झरे गावाची नाकाबंदी केली. यानंतरही आमदार पडळकर यांच्या समर्थकांनी शर्यत पार पाडलीच.
वाचा: करोनाच्या तिसऱ्या लाटेबाबत CM ठाकरेंचा गंभीर इशारा; भाजपला सुनावले
शर्यतीचे व्हिडिओ सोशल मीडियातून व्हायरल झाल्यानंतर जिल्हा प्रशासनाला जाग आली. मध्यरात्रीपासूनच शर्यत शौकिनांची गर्दी झरे परिसरात एकवटत होती. मात्र पोलिसांनी कोणावरही कारवाई केली नाही. याबाबत जिल्हाधिकारी डॉ. अभिजीत चौधरी यांना विचारणा केली असता ते म्हणाले, संचारबंदी आणि पोलिसांच्या बंदोबस्तामुळे मोठ्या प्रमाणात होणारे शर्यतीचे आयोजन टाळता आले. प्रातिनिधिक स्वरूपात काही लोकांनी शर्यत पार पडल्याची माहिती मिळत आहे. याची चौकशी करण्याचे आदेश पोलिसांना दिले आहेत. चौकशीनंतर संबंधितांवर कायदेशीर कारवाई होईल. जिल्हाधिकाऱ्यांच्या या आदेशानंतर आयोजक गोपीचंद पडळकर यांच्यावर कारवाई होणार की नाही, हा कळीचा प्रश्न बनला आहे.
वाचा: ज्योती देवरेंच्या ऑडिओ क्लिपमुळं राजकारण तापलं; फडणवीसांचं थेट मुख्यमंत्र्यांना पत्र