सांगली : आटपाडी तालुक्यातील करगणी गावापासून जवळच असलेल्या बंधाऱ्यातील विहिरीत दोन सख्ख्या बहिणींचे मृतदेह आढळले. मंगळवारी सकाळी ही दुर्घटना उघडकीस आली. सविता मोतीराम पवार (वय 18) आणि संगीता मोतीराम पवार (वय 14, दोघीही मूळ राहणार रातवड, जि. रायगड, सध्या रा. करगणी, ता. आटपाडी) अशी दगावलेल्या दोन्ही बहिणींची नावे आहेत. या दोघी रविवारी दुपारपासून बेपत्ता होत्या. याबाबत आटपाडी पोलीस ठाण्यात घटनेची नोंद झाली आहे. आटपाडी पोलीस ठाण्यातून मिळालेल्या माहितीनुसार, रायगड जिल्ह्यातील मूळचे रातवड येथील पवार कुटुंब कामाच्या निमित्ताने गेल्या काही वर्षांपासून सांगली जिल्ह्यातील करगणी गावात राहत आहे. मोतीराम पवार यांच्या सविता आणि संगीता या दोन्ही मुली लाकडापासून कोळसा तयार करण्याच्या कामात कुटुंबाला मदत करत होत्या.
रविवारी दुपारी सविता आणि संगीता या दोघी शौचासाठी घरातून बाहेर पडल्या. संध्याकाळपर्यंत दोघी घरी आल्या नसल्याने नातेवाईकांनी त्यांचा शोध सुरू केला. मंगळवारी सकाळी या दोन्ही मुलींचे मृतदेह विहिरीतील पाण्यावर तरंगताना दिसले. यानंतर पवार कुटुंबीयांना धक्का बसला. दोघी पाय घसरून विहिरीत बुडाल्या असाव्यात असा प्राथमिक अंदाज वर्तवला जात आहे.
या घटनेची माहिती मिळताच आटपाडी पोलीस घटनास्थळी दाखल झाले. विहिरीतील मृतदेह बाहेर काढून उत्तरीय तपासणीसाठी शासकीय रुग्णालयात पाठविण्यात आले आहेत. दोन सख्ख्या बहिणींचा बुडून दुर्दैवी अंत झाल्यामुळे परिसरात हळहळ व्यक्त होत आहे. या घटनेची नोंद आटपाडी पोलीस ठाण्यात करण्यात आली असून, अधिक तपास सुरू आहे.
रविवारी दुपारी सविता आणि संगीता या दोघी शौचासाठी घरातून बाहेर पडल्या. संध्याकाळपर्यंत दोघी घरी आल्या नसल्याने नातेवाईकांनी त्यांचा शोध सुरू केला. मंगळवारी सकाळी या दोन्ही मुलींचे मृतदेह विहिरीतील पाण्यावर तरंगताना दिसले. यानंतर पवार कुटुंबीयांना धक्का बसला. दोघी पाय घसरून विहिरीत बुडाल्या असाव्यात असा प्राथमिक अंदाज वर्तवला जात आहे.
या घटनेची माहिती मिळताच आटपाडी पोलीस घटनास्थळी दाखल झाले. विहिरीतील मृतदेह बाहेर काढून उत्तरीय तपासणीसाठी शासकीय रुग्णालयात पाठविण्यात आले आहेत. दोन सख्ख्या बहिणींचा बुडून दुर्दैवी अंत झाल्यामुळे परिसरात हळहळ व्यक्त होत आहे. या घटनेची नोंद आटपाडी पोलीस ठाण्यात करण्यात आली असून, अधिक तपास सुरू आहे.