मुलीसोबत बिनसलं, एकुलत्या एका मुलानं टोकाचं पाऊल उचललं; दिवाळीनंतर होणार होतं लग्न

सांगली: सोलापूर जिल्ह्यातल्या एका तरुणाने जत तालुक्यातल्या संख येथे गळफास घेऊन आत्महत्या केल्याचा प्रकार समोर आला आहे. मिस्त्री असणाऱ्या तरुणाने तो काम करत असलेल्या बंधाऱ्याजवळ झाडाला गळफास घेऊन आत्महत्या केली आहे. आत्महत्येचे नेमके कारण अद्याप स्पष्ट होऊ शकले नाही. प्रेमभंग झाल्याने ही आत्महत्या केल्याचा प्राथमिक अंदाज व्यक्त करण्यात येत असून या घटनेची नोंद उमदी पोलीस ठाण्यात झाली आहे.

संखपासून दोन किलोमीटर अंतरावर नाटेकर वस्तीजवळ बंधाऱ्याजवळ एका झाडाला रामचंद्र भागवत वाघमारे (वय ३० वर्ष, रा. वडशिवणे ता.करमाळा जिल्हा सोलापूर) याने झाडास गळफास लावून आत्महत्या केली. संखजवळ असणाऱ्या नाटेकर वस्तीजवळ बंधाऱ्याचे काम सुरू असून त्याठिकाणी वाहन दुरूस्तीचे काम रामचंद्र वाघमारे पाहात होता.
अजबच! सापाचं शिर छाटून उन्हात वाळवलं; मंद आचेवर भाजून खाल्लं अन् मग...
रामचंद्रला इतर कामगारांनी रात्री दहाच्या सुमारास फोनवर बोलताना पाहिले. त्याला जेवणासाठी येण्यास विनंती केली पण तो जेवणासाठी आला नाही. त्याचे लग्न ठरले होते. दिवाळीनंतर लग्न होणार होते. मोबाईलवर तो एका मुलीशी बोलत होता. फोनवर बोलताना त्याचे काहीतरी बिनसले. त्यामुळे तो रात्री झोपायला गेलाच नाही.
सुनेला कुत्र्याची ऍलजी, पण सासू-सासरे ऐकेनात; नाराजीतून लेकीसह टोकाचं पाऊल उचललं
सकाळ झाल्यानंतर त्याच्या बरोबर काम करणाऱ्या कामगारांनी शोधाशोध केली असता, तो बंधाऱ्याजवळ असणाऱ्या झाडास लटकलेला दिसला. हा प्रकार लक्षात आल्यानंतर उमदी पोलिस ठाण्यास माहिती देण्यात आली. घटनास्थळी पोलिसांनी पंचनामा करून प्रेत जत ग्रामीण रुग्णालय येथे शवविच्छेदनासाठी सायंकाळी पाठवले. त्याच्या पश्चात आई, वडील असे दोघेच आहेत. हा एकुलता एक मुलगा होता. या घटनेची नोंद उमदी पोलीस ठाण्यात झाली आहे.