सातारा : लहान मुलांकडे डोळ्यात तेल घालून लक्ष द्यावं लागतं. त्यांच्याकडे झालेलं जरासं दुर्लक्ष अनेकदा महागात पडू शकतं. अशीच एक हृदयद्रावक घटना साताऱ्यात घडली आहे. लोखंडी पाइपला साडी बांधून झोका खेळत असताना त्यात मान अडकून एका ९ वर्षांच्या चिमुकलीचा फास लागून दुर्दैवी मृत्यू झाला. पौर्णिमा शंकर फाळके (वय ९, रा. तडवळे, ता. खटाव) असे मृत चिमुकलीचे नाव आहे. ही घटना खटाव तालुक्यातील तडवळे येथे काल घडली. या घटनेने तडवळे परिसरात हळहळ व्यक्त होत आहे. पोलिसांनी दिलेल्या माहितीनुसार, पौर्णिमा ही त्यांच्या घरामध्ये झोका खेळत होती. तिने लोखंडी पाइपला साडी बांधली होती. या साडीमध्ये बसून ती झोका खेळत होती. त्याचवेळी खेळता-खेळता अचानक तिची मान साडीमध्ये अडकून तिच्या गळ्याला फास लागला. तिने आरडाओरड केल्यानंतर हा प्रकार कुटुंबियांच्या निदर्शनास आला.
यानंतर कुटुंबियांनी तिच्या मानेचा फास सोडवून तिला तातडीने वडूज (ता. खटाव) येथील रुग्णालयात उपचारासाठी दाखल केले. मात्र, उपचारापूर्वीच तिचा मृत्यू झाल्याचे वैद्यकीय अधिकाऱ्यांनी घोषित केले. चिमुकलीचा दुर्दैवी मृत्यू झाल्याने तडवळे परिसरात हळहळ व्यक्त होत आहे. शंकर पोपट फाळके (वय ४०, रा. तडवळे, ता. खटाव, जि. सातारा) यांनी वडूज पोलीस ठाण्यात फिर्याद दिली आहे. महिला पोलीस हवालदार एस. एल. वाघमारे तपास करत आहेत.
यानंतर कुटुंबियांनी तिच्या मानेचा फास सोडवून तिला तातडीने वडूज (ता. खटाव) येथील रुग्णालयात उपचारासाठी दाखल केले. मात्र, उपचारापूर्वीच तिचा मृत्यू झाल्याचे वैद्यकीय अधिकाऱ्यांनी घोषित केले. चिमुकलीचा दुर्दैवी मृत्यू झाल्याने तडवळे परिसरात हळहळ व्यक्त होत आहे. शंकर पोपट फाळके (वय ४०, रा. तडवळे, ता. खटाव, जि. सातारा) यांनी वडूज पोलीस ठाण्यात फिर्याद दिली आहे. महिला पोलीस हवालदार एस. एल. वाघमारे तपास करत आहेत.