संघ ‘दक्ष’ होताच शिवसेना ‘बॅकफूटवर’
म. टा. प्रतिनिधी, सातारा
अशिक्षित किंवा आर्थिक निरक्षरांना गंडा घालणाऱ्या सायबर भामट्यांच्या जाळ्यात एक बँक मॅनेजर सुद्धा अडकला. या भामट्याने त्यांच्याकडून एटीएमचा १६ अंकी क्रमांक माहित करून घेतला व ऑनलाइन खरेदी करून खात्यातून ९३ रुपये लंपास केले.
नंडुरी रामचंद्रराव (वय ५४, रा. मंजित प्रइड, प्रेमो अपार्टमेंट, महानुभाव आश्रमाजवळ) हे एका बँकेत मॅनेजर आहेत. त्यांच्या मोबाइलवर गुरुवारी सायंकाळी सात वाजून पाच मिनिटांनी एक कॉल आला. त्यावर बोलणाऱ्याने एचडीएफसी बँकेतून बोलत असल्याचे सांगून केवायसीचे व्हेरिफिकेशन करावयाचे आहे, तुमच्या एटीएम कार्डचा १६ अंकी क्रमांक सांगा, नाही तर तुमचे एटीएम कार्ड बंद होईल, अशी भीती घातली. नंडुरी यांनी एटीएम कार्डवरील १६ अंकी क्रमांक सांगितला. क्रमांक सांगितल्यानंतर त्यांच्या खात्यातून मोबाइलवरून बोलणाऱ्या व्यक्तीने त्यांच्या एचडीएफसी बँक खात्यातून ९३ हजार ६५६ रुपयांची खरेदी केली. याप्रकरणी सातारा पोलिस ठाण्यात गुन्हा दाखल करण्यात आला असून, पुढील तपास पोलिस निरीक्षक भारत काकडे हे करीत आहेत.