कोयनेतून विसर्ग बंद
कराड :
कोयना धरण परिसरात पावसाचा जोर मंदावला आहे. धरणात येणाऱ्या पाण्याचे प्रमाणही मोठ्या प्रमाणावर घटल्याने कोयना धरणाच्या सहाही वक्र दरवाजांतून विनावापर सोडण्यात येणारे पाणी मंगळवारी बंद करण्यात आले. सध्या केवळ पायथा वीजगृहातून वीजनिर्मिती करून प्रतिसेकंद २१०० क्युसेक पाणी कोयना नदीपात्रात सोडण्यात येत आहे. त्यामुळे कोयना नदीच्या पाणीपातळीत घट होऊन विस्कळीत झालेले जनजीवन आता पूर्वपदावर आले आहे. धरणात सरासरी 22 हजार 162 क्युसेकने पाणी येत आहे. धरणात सध्या १०३.४० टीएमसी पाणीसाठा झाला आहे.