इलेक्ट्रिक दुचाकीची बॅटरी चार्ज करताना घात झाला; साताऱ्यात तरुणीचा मृत्यू

सातारा : इलेक्ट्रिक दुचाकीची बॅटरी चार्ज करताना शॉक लागून तरुणीचा मृत्यू झाला आहे. कराड येथील म्होप्रे गावात रविवारी ही घटना घडली असून शिवानी पाटील असं मृत्यू झालेल्या तरुणीचं नाव आहे. रात्री उशिरा शोकाकूल वातावरणात शिवानीवर अंत्यसंस्कार करण्यात आले.

म्होप्रे येथील शिवानी पाटील ही युवती इलेक्ट्रिक दुचाकीचा वापर करत होती. रविवारी बाहेरगावी जाणार असल्यामुळे शिवानीने दुचाकीच्या बॅटरीचे चार्जिंग तपासले. चार्जिंग कमी असल्याचे निदर्शनास आल्यानंतर शिवानीने दुचाकीची बॅटरी काढली आणि ती चार्ज करण्यासाठी घरामध्ये गेली. मात्र बॅटरी चार्ज करण्यासाठी लावताना शिवानीला शॉक लागला. त्यानंतर जखमी अवस्थेत तिला कुटुंबियांनी रुग्णालयात दाखल केले. मात्र उपचारापूर्वीच तिचा मृत्यू झाला.

अयोध्या सोडा, राऊतांनी मुंबई-महाराष्ट्रात एकटं फिरून दाखवावं; नितेश राणेंचं आव्हान

दरम्यान, घरातील तरुण मुलीचा मृत्यू झाल्याने कुटुंबाने मोठा आक्रोश केला. या घटनेनंतर परिसरात हळहळ व्यक्त करण्यात येत आहे.