म. टा. प्रतिनिधी, वाळूज महानगर
रांजणगाव शेणपुंजी येथे पत्नीचा गळा दाबून खून करून पती स्वतः पोलिस ठाण्यात हजर झाला. ही घटना शनिवारी (२० जुलै) सकाळी साडे दहाच्या सुमारास घडली.
ममता आनंद लोखंडे असे मत महिलेचे नाव आहे. आनंद सुरेश लोखंडे (वय २५, रा. पवननगर रांजणगाव शेणपुंजी, ता. गंगापूर) असे आरोपीचे नाव आहे. आनंद लोखंडेचे ममतासोबत आठ वर्षांपूर्वी लग्न झाले होते. त्यांना सहा वर्षाची मुलगी प्रज्ञा, तीन वर्षांचा मुलगा संघर्ष अशी दोन मुले आहेत. कुटुंबासोबत मुकुंदवाडी येथे राहत असताना ८ जुलै रोजी त्याची पत्नी दोन्ही मुलासह घरातून निघून गेली होती. त्याची नोंद त्याने ११ जुलै रोजी मुकुंदवाडी पोलिस ठाण्यात केली होती. त्यानंतर त्याला पत्नी मुलासह नाशिक येथे असल्याची माहिती मिळाली त्यावरून तो तिथे गेला असता त्याच्या पत्नीसोबत मुकुंदवाडीतील प्रमोद खनपटे नावाचा युवक होता. तेथील एका हॉटेलमध्ये नाष्टा करत असताना याबाबत पत्नीला विचारले असता तिने उडवाउडवीची उत्तर दिली. एकमेकांशी ते खाना-खुणा करीत असल्याचे आनंदला लक्षात आले. त्यावेळी आनंदने प्रमोदला मारहाण केल्यानंतर प्रमोद तिथून निघून गेला. पत्नी व मुलांना घेऊन मुकुंदवाडीला आला. पत्नीचे प्रमोदसोबतचे अनैतिक संबंध असल्याने व तो घरासमोरच राहत असल्याने त्याचा विसर पडावा म्हणून आनंद कुटुंबासह वाळूज एमआयडीसीतील रांजणगाव येथे राहण्यासाठी आला होता. त्याने पत्नीचा मोबाइल काढून घेतला होता. शुक्रवारी रात्री यावरूनच दोघात वाद झाले होते. शनिवारी सकाळी पळून गेल्याच्या कारणावरून पुन्हा दोघांत वाद सुरू झाला. आनंदची आई मुलांना शाळेत घेऊन गेली होती तसेच वडील वयस्कर असल्याने एका जागेवरच बसून असतात. यावेळी दोघांचा वाद विकोपाला गेला यात रागाच्या भरात आनंदने पत्नीचा गळा दाबला. यानंतर आरोपी स्वतः वाळूज एमआयडीसी पोलिस स्टेशनला हजर होऊन घडलेल्या प्रकाराची माहिती दिली. माहिती मिळताच पोलिस कर्मचारी घटनास्थळी दाखल होऊन घटनेचा पंचनामा करून महिलेचा मृतदेह उत्तरीय तपासणीसाठी घाटी दवाखान्यात पाठवला. पुढील तपास पोलिस निरीक्षक अनिल गायकवाड यांच्या मार्गदर्शनाखाली पोलिस करत आहेत.
रांजणगाव शेणपुंजी येथे पत्नीचा गळा दाबून खून करून पती स्वतः पोलिस ठाण्यात हजर झाला. ही घटना शनिवारी (२० जुलै) सकाळी साडे दहाच्या सुमारास घडली.
ममता आनंद लोखंडे असे मत महिलेचे नाव आहे. आनंद सुरेश लोखंडे (वय २५, रा. पवननगर रांजणगाव शेणपुंजी, ता. गंगापूर) असे आरोपीचे नाव आहे. आनंद लोखंडेचे ममतासोबत आठ वर्षांपूर्वी लग्न झाले होते. त्यांना सहा वर्षाची मुलगी प्रज्ञा, तीन वर्षांचा मुलगा संघर्ष अशी दोन मुले आहेत. कुटुंबासोबत मुकुंदवाडी येथे राहत असताना ८ जुलै रोजी त्याची पत्नी दोन्ही मुलासह घरातून निघून गेली होती. त्याची नोंद त्याने ११ जुलै रोजी मुकुंदवाडी पोलिस ठाण्यात केली होती. त्यानंतर त्याला पत्नी मुलासह नाशिक येथे असल्याची माहिती मिळाली त्यावरून तो तिथे गेला असता त्याच्या पत्नीसोबत मुकुंदवाडीतील प्रमोद खनपटे नावाचा युवक होता. तेथील एका हॉटेलमध्ये नाष्टा करत असताना याबाबत पत्नीला विचारले असता तिने उडवाउडवीची उत्तर दिली. एकमेकांशी ते खाना-खुणा करीत असल्याचे आनंदला लक्षात आले. त्यावेळी आनंदने प्रमोदला मारहाण केल्यानंतर प्रमोद तिथून निघून गेला. पत्नी व मुलांना घेऊन मुकुंदवाडीला आला. पत्नीचे प्रमोदसोबतचे अनैतिक संबंध असल्याने व तो घरासमोरच राहत असल्याने त्याचा विसर पडावा म्हणून आनंद कुटुंबासह वाळूज एमआयडीसीतील रांजणगाव येथे राहण्यासाठी आला होता. त्याने पत्नीचा मोबाइल काढून घेतला होता. शुक्रवारी रात्री यावरूनच दोघात वाद झाले होते. शनिवारी सकाळी पळून गेल्याच्या कारणावरून पुन्हा दोघांत वाद सुरू झाला. आनंदची आई मुलांना शाळेत घेऊन गेली होती तसेच वडील वयस्कर असल्याने एका जागेवरच बसून असतात. यावेळी दोघांचा वाद विकोपाला गेला यात रागाच्या भरात आनंदने पत्नीचा गळा दाबला. यानंतर आरोपी स्वतः वाळूज एमआयडीसी पोलिस स्टेशनला हजर होऊन घडलेल्या प्रकाराची माहिती दिली. माहिती मिळताच पोलिस कर्मचारी घटनास्थळी दाखल होऊन घटनेचा पंचनामा करून महिलेचा मृतदेह उत्तरीय तपासणीसाठी घाटी दवाखान्यात पाठवला. पुढील तपास पोलिस निरीक्षक अनिल गायकवाड यांच्या मार्गदर्शनाखाली पोलिस करत आहेत.