अजिंक्यतारा किल्ल्यावर फिरताना पाय घसरला; रात्रभर कोसळणाऱ्या पावसात १४ तास होते पडून

सातारा: जिल्ह्यातील अजिंक्यतारा या ठिकाणी एक धक्कादायक घटना घडली. दौंड येथील ६४ वर्षीय हणमंत जाधव हे साताऱ्यात आल्यानंतर अजिंक्यतारा येथे फिरण्यासाठी गेले होते. यावेळी त्यांचा पाय घसरला आणि ते अजिंक्यतारा किल्ल्यावरुन थेट दरीत कोसळले.

रात्रीचा किर्र अंधार आणि कोसळणाऱ्या पावसात तब्बल १४ तास हणमंत जाधव या ठिकाणीच पडून होते. मात्र सकाळी व्यायामाला गेलेल्या लोकांच्या हे निदर्शनास आले. यानंतर तात्काळ पोलिसांना फोन करुन मदत पथकाला बोलावण्यात आलं. काल संध्याकाळच्या सुमारास फिरण्यासाठी गेले असता हणमंत जाधव पाय घसरल्याने दरीत कोसळले होते. मदतीसाठी जवळपास कोणीच नसल्यामुळे संपूर्ण रात्र आणि १४ तासांहून अधिक काळ ते दरीत अडकून पडले होते.
मित्राची मस्करी अंगाशी आली; तरुणाच्या पार्श्वभागात हायप्रेशर पाईपनं हवा भरली; प्रकृती गंभीर
एक व्यक्ती दरीत कोसळल्याची बाब आज सकाळी उघडकीस आल्याने घटनास्थळी पोलीस दाखल झाले. मात्र सतत पडणाऱ्या पावसाने आणि हे ठिकाण उंचीवर असल्याने जाधव यांना बाहेर काढण्यासाठी अडचण निर्माण होत होती. यामुळे शिवेंद्रराजे रेस्क्यू टीमच्या मदतीने जाधव यांना दरीतून बाहेर काढण्यात आले. यानंतर त्यांना रुग्णालयात दाखल करण्यात आलं आहे.