महाबळेश्वर गजबजले

सातारा : महाबळेश्वरचा दिवाळी पर्यटक हंगाम सुरू झाला असून, सर्वत्र पर्यटकांची गर्दी दिसत आहे. सुट्या, लवकर आलेली थंडी यामुळे सहलींची मजा दुणावल्याचे जाणवत आहे.
दिवाळी पाडव्यापासूनच दिवसापासून या पर्यटक महाबळेश्वरला गर्दी करतात. यंदाही महाराष्ट्रासह गुजरातमधून पर्यटक गटागटाने आले आहेत. नौकाविहारासाठी प्रसिद्ध असलेला वेण्णा तलाव असो की, येथील विविध पॉइंट सर्वत्रच या गर्दीने हे नंदनवन फुलून गेले आहे. महाबळेश्वर प्रसिद्ध विविध फळांचे जेम, जेली, सिरप, चिक्की, फज तसेच, कातडी चप्पल, बूट व कातडी चीज वस्तू तसेच विविध प्रकारमया चीज वास्तू आपल्या लाडक्यांसाठी खरेदी करण्यासाठी दिवसभर व रात्री येथील बाजारपेठही या येथे आलेल्या दिवाळी पाहुण्यांनी बहरलेली असते तर फिरण्याचा शीण घालवण्यासाठी पर्यटकांनी येथील विविध ठिकाणच्या आइस गोळा गाड्या, पॅटिस, वडा, कचोरीच्या गाड्यांभोवतीही गर्दी दिसते. ही गर्दी पुढील आठ-दहा दिवस कायम राहील, असे स्थानिकांनी सांगितले.
या दिवाळी हंगामात पर्यटकांसाठी पालिकेने त्याचे रे गार्डन येथील वाहनतळ विनामोबदला पर्यटकांसाठी खुले केल्याने पर्यटकांत समाधानाचे वातावरण आहे. पाचगणीहून महाबळेश्वरकडे येणारा रस्ता तसेच महाबळेश्वर मधील सर्वच रस्त्यांची अवस्था गंभीर असल्याने वाहनधारक स्थानिकांसह पर्यटकांना त्याचा त्रास सहन करावा लागत आहे.