हरवलेल्या माय-लेकांची सज्जनगडावर भेट, बिबट्या आणि बछड्याचा VIDEO पाहून मन प्रफुल्लित होईल

सातारा: साताऱ्याच्या किल्ले सज्जनगडावर सापडलेले बिबट्याचे बछडे आणि त्याच्या आईची अखेर भेट झाली आहे. बिबट्या मादीने त्याचे पिल्लू सुरक्षित अधिवासात नेले आहे. मंगळवारी रात्री साडेनऊ वाजण्याच्या सुमारास बिबट्या आपल्या बछड्याच्या शोधात त्या परिसरात आली.

ही सर्व घटना ट्रम्प कॅमेरात कैद झालीये. साताऱ्याचे वनक्षेत्रपाल डॉक्टर निवृत्ती चव्हाण यांचे सहकारी आणि पुणे बावधन येथील रेस्क्यूटीम, सह्याद्री पोट्रिकस फौंडेशन सातारा यांच्या कामगिरीला यश आलं. किल्ले सज्जनगडावर मंगळवारी दुपारी साडेतीन वाजण्याच्या दरम्यान रामघळ परिसरात काही भटकंती करत असणाऱ्या युवकांना बिबट्याचे बछडे खेळताना दिसले होते. यानंतर त्यांनी हा प्रकार वनविभागाला सांगितला.


हेही वाचा -बिबट्या थकलेला दिसला, गावकऱ्यांचं फोटोसेशन; काही तासांत आक्रित घडलं, आता सगळेच गोत्यात

वनविभागाचे अधिकारी कर्मचारी तात्काळ त्याठिकाणी दाखल झाले. रात्री उशिरा बिबट्याचे बछडे आणि मादी यांची भेट घडवून आणण्यात अखेर सातारा वन विभागाला यश आले.

हेही वाचा -Ankita Bhandari Case: कोण आहे अंकिता हत्या प्रकरणातील भाजप नेत्याचा मुलगा पुल्कित आर्य?

श्रीगोंद्यात आजारी बिबट्यासोबत गावकऱ्यांचं फोटोसेशन

अहमदनगर येथील श्रीगोंदा तालुक्यातील रायगव्हाण हद्दीमध्ये एका शेतात बिबट्या आढळून आला होता. शेतामध्ये मोकळ्या मैदानात शेतकऱ्यांना बिबट्याचे दर्शन झाले. हा बिबट्या आजारी असल्याचे ग्रामस्थांच्या लक्षात आले. बिबट्या धापा टाकत होता. त्याला जास्त वेळ डोळेही उघडे ठेवता येत नव्हते. ग्रामस्थांनी या बिबट्यासोबत फोटो, व्हिडीओ काढले. काही तासांनंतर या बिबट्याचा मृत्यू झाला. बिबट्यासोबत फोटो काढणाऱ्यांवर कारवाई होण्याची शक्यता आहे.

हेही वाचा -समुद्राच्या पोटात सापडला १३०० वर्ष जुना खजिना, सोनं-चांदी, हिरे, मोती नव्हे; २०० माठांतून निघाल्या वेगळ्याच वस्तू