School bus Break Fail : शाळेच्या बसचा घाटात ब्रेक फेल; सहलीला जाताना घडली घटना

सातारा : कर्नाटकहून महाबळेश्वरला सहलीसाठी आलेल्या एस.टी बसचा केळघर घाटात ब्रेक फेल झाल्याची घटना आज घडली. सुदैवाने या अपघातात कुणीही जखमी झाले नाही. मात्र, अचानक झालेल्या या घटनेने विद्यार्थी भयभयीत झाले होते. बेळगावच्या संकेश्वर SD हायस्कूल शाळेचे विद्यार्थी या बसमधून सहलीसाठी आले होते. या अपघातात सर्व विद्यार्थी सुखरूप आहेत. ब्रेक फेल झाल्याने बस चालकाने प्रसंगावधान दाखवत डोंगराच्या बाजूला बस ठोकली.

या बसमध्ये संकेश्वर येथील एसडी हायस्कूलमधील ५० हून अधिक विद्यार्थी प्रवास करत होते. अपघातात सुदैवानं यामध्ये कुणीही जखमी झालेलं नाही. मात्र, या अपघातामुळे विद्यार्थी भयभयीत झाले आहेत.