सातारा : भाजप प्रवेश झाल्यानंतर उदयनराजे भोसले यांचे शनिवारी रात्री साताऱ्यात कार्यकर्त्यांनी स्वागत केले. त्या नंतर पत्रकारांबरोबर बोलत असताना उदयनराजेंनी राष्ट्रवादी पक्षात झालेली घुसमट बोलून दाखवली. उदयनराजे म्हणाले, 'माझ्या मनाला जे वाटले, बुद्धीला जे पटले, ते मी केले. मला टार्गेट केले गेले. पंधरा वर्षे मी सहन केले.' हे सांगताना उदयनराजेंनी टेबलवर बुक्क्या मारून आपला राग व्यक्त केला.
विकासाची कामे मोठ्या प्रमाणात व्हावी, ही माझी मनापासून इच्छा आहे. या अगोदर ती झाली असती तर आज ही वेळ आली नसती. राष्ट्रवादी पक्षात मी भरपूर काम करायचा प्रयत्न केला. मी जिवंत राहिलो हेच माझे नशीब.' राज्यसभेवर जाणार की, लोकसभेची पोट निवडणूक लढणार या प्रश्नाचे उत्तर त्यांनी मिश्किलपणे दिले. ते म्हणाले, 'आत्ताच तर मला जितेंद्र आव्हाडांनी तरुण केले आहे, राज्यसभेवर पाठवून तुम्ही म्हातारा करताय का?'
'मला सहनशीलतेचा पुरस्कार द्यायला पाहिजे होता'
'राष्ट्रवादी कॉँग्रेसमध्ये असताना माझ्या कामाच्या फायली थेट कचऱ्याच्या डब्यात जात होत्या. असे एकदा नाहीतर अनेक झाले आहे. कोणतेही काम वेळेत पूर्ण झाले नाही. आघाडी सरकारने अनेक प्रकल्प रखडून ठेवले. मात्र, साताऱ्यात हजारो कोटींची कामे मुख्यमंत्री देवेंद्र फडणवीस यांनी पूर्ण केली आहेत. मला राष्ट्रवादीने काही दिले नाही, किमान सहनशीलतेचा एखादा पुरस्कार तरी द्यायला हवा होता,' अशी कोपरखळी माजी खासदार उदयनराजे भोसले यांनी लगावली.
चौकशीला घाबरून पक्षप्रवेश नाही: शिवेंद्रराजे भोसले
दरम्यान, या वेळी शिवेंद्रराजे भोसले म्हणाले, 'मी कोणत्याही चौकशीला घाबरून भारतीय जनता पक्षामध्ये प्रवेश केलेला नाही. शिकार करून खाणाऱ्यांची आमची औलाद आहे, मी कोणत्याही मंत्रिपदासाठी भाजपमध्ये आलेलो नाही.'
विकासाची कामे मोठ्या प्रमाणात व्हावी, ही माझी मनापासून इच्छा आहे. या अगोदर ती झाली असती तर आज ही वेळ आली नसती. राष्ट्रवादी पक्षात मी भरपूर काम करायचा प्रयत्न केला. मी जिवंत राहिलो हेच माझे नशीब.' राज्यसभेवर जाणार की, लोकसभेची पोट निवडणूक लढणार या प्रश्नाचे उत्तर त्यांनी मिश्किलपणे दिले. ते म्हणाले, 'आत्ताच तर मला जितेंद्र आव्हाडांनी तरुण केले आहे, राज्यसभेवर पाठवून तुम्ही म्हातारा करताय का?'
'मला सहनशीलतेचा पुरस्कार द्यायला पाहिजे होता'
'राष्ट्रवादी कॉँग्रेसमध्ये असताना माझ्या कामाच्या फायली थेट कचऱ्याच्या डब्यात जात होत्या. असे एकदा नाहीतर अनेक झाले आहे. कोणतेही काम वेळेत पूर्ण झाले नाही. आघाडी सरकारने अनेक प्रकल्प रखडून ठेवले. मात्र, साताऱ्यात हजारो कोटींची कामे मुख्यमंत्री देवेंद्र फडणवीस यांनी पूर्ण केली आहेत. मला राष्ट्रवादीने काही दिले नाही, किमान सहनशीलतेचा एखादा पुरस्कार तरी द्यायला हवा होता,' अशी कोपरखळी माजी खासदार उदयनराजे भोसले यांनी लगावली.
चौकशीला घाबरून पक्षप्रवेश नाही: शिवेंद्रराजे भोसले
दरम्यान, या वेळी शिवेंद्रराजे भोसले म्हणाले, 'मी कोणत्याही चौकशीला घाबरून भारतीय जनता पक्षामध्ये प्रवेश केलेला नाही. शिकार करून खाणाऱ्यांची आमची औलाद आहे, मी कोणत्याही मंत्रिपदासाठी भाजपमध्ये आलेलो नाही.'