सुरेश कोलगेकर, सिंधुदुर्ग: सिंधुदुर्ग जिल्ह्यातील नगरपंचायत निवडणुकांमध्ये भाजपला संमिश्र यश मिळाले आहे. सिंधुदुर्ग जिल्ह्यातील कुडाळ, देवगड-जामसांडे, वाभवे-वैभववाडी व कसई-दोडामार्ग नगरपंचायत निवडणुकांचा निकाल बुधवारी जाहीर झाला. चारपैकी दोन नगरपंचायतींमध्ये शिवसेना आणि काँग्रेसने नारायण राणे यांच्या वर्चस्वाला सुरुंग लावला आहे. त्यापैकी देवगड-जामसंडे नगरपंचायतीचा निकाल भाजपसाठी सर्वाधिक धक्कादायक ठरला. सिंधुदुर्गातील देवगड मतदारसंघ हा भाजपचा बालेकिल्ला मानला जातो. दिवंगत आमदार आप्पा गोगटे यांच्या काळापासून भाजपचा हा किल्ला अभेद्य राहिला आहे. मात्र, देवगड नगरपंचायतीच्या निवडणुकीत शिवसेनेने भाजपच्या या बालेकिल्ल्यालाच सुरुंग लावला. गेल्या निवडणुकीत एकही उमेदवार नसलेल्या देवगड नगरपंचायतीमध्ये शिवसेनेने यंदा आठ जागांवर विजय मिळवला आहे. तर राष्ट्रवादी काँग्रेसने एका जागेवर विजय मिळवला आहे. भाजपनेही आठ जागांवर विजय मिळवला असला तरी शिवसेना-राष्ट्रवादी एकत्र आल्यामुळे देवगड नगरपंचायतीवर त्यांची सत्ता येईल. हा पराभव भाजपच्या चांगलाच जिव्हारी लागला आहे.
सिंधुदुर्ग जिल्ह्यातील देवगड जामसंडे नगरपंचायतीचा निकाल लागल्यानंतर शिवसेनेने शहरातून शक्ती प्रदर्शन करत विजयी मिरवणूक काढली. यावेळी शिवसैनिकांकडून जोरदार घोषणाबाजी करण्यात आली. राज्याचे उच्च व तंत्रशिक्षण मंत्री उदय सामंत यांचे भाऊ किरण सामंत या रॅलीत सहभागी झाले होते.
विशेष म्हणजे देवगड ग्राम पंचायत भाजपच्या ताब्यात होती. मात्र, भाजप-सेनेला प्रत्येकी ८ जागावर समाधान मानावे लागले. मात्र, एक जागा राष्ट्रवादीला मिळाल्याने महाविकासआघाडीला सत्ता मिळाल्याचा आनंदात ही विजय मिरवणूक काढण्यात आली. तर दुसरीकडे कुडाळमध्येही नारायण राणे यांची सहजपणे सरशी होणार असे वाटत असतानाच अवघ्या एका जागेने ही नगरपंचायत शिवसेना-काँग्रेसच्या ताब्यात गेली आहे. कुडाळ नगरपंचायतीमध्ये भाजपने ८ जागांवर विजय मिळवला. तर शिवसेनेला ७ आणि काँग्रेसला दोन जागा मिळाल्या. त्यामुळे काँग्रेसने मदतीचा हात पुढे केल्यास याठिकाणीही भाजपची सत्ता जाणार, हे स्पष्ट दिसत आहे. नगरपंचायत निवडणुकांमध्ये काँग्रेस स्वबळावर लढत आहे. त्यामुळे आता कुडाळमध्ये काँग्रेस किंगमेकरच्या भूमिकेत आहे.
कुडाळच्या मतदारांनी राणेंना त्यांची जागा दाखवून दिली: वैभव नाईक
कुडाळच्या मतदारांनी नारायण राणे आणि त्यांच्या मुलांना त्यांची जागा दाखवून दिल्याची टीका शिवसेना आमदार वैभव नाईक यांनी केली. कॉंग्रेस पक्ष स्वतंत्रपणे निवडणूक लढला असला तरी राज्यात महाविकासआघाडीचे सरकार आहे. त्यामुळे कॉंग्रेसच्या वरिष्ठ नेत्यांशी चर्चा करुन कुडाळ नगरपंचायतीत महाविकास आघाडीचा नगराध्यक्ष आणि उपनगराध्यक्ष बसवणार, असे वैभव नाईक यांनी सांगितले.
सिंधुदुर्ग जिल्ह्यातील देवगड जामसंडे नगरपंचायतीचा निकाल लागल्यानंतर शिवसेनेने शहरातून शक्ती प्रदर्शन करत विजयी मिरवणूक काढली. यावेळी शिवसैनिकांकडून जोरदार घोषणाबाजी करण्यात आली. राज्याचे उच्च व तंत्रशिक्षण मंत्री उदय सामंत यांचे भाऊ किरण सामंत या रॅलीत सहभागी झाले होते.
विशेष म्हणजे देवगड ग्राम पंचायत भाजपच्या ताब्यात होती. मात्र, भाजप-सेनेला प्रत्येकी ८ जागावर समाधान मानावे लागले. मात्र, एक जागा राष्ट्रवादीला मिळाल्याने महाविकासआघाडीला सत्ता मिळाल्याचा आनंदात ही विजय मिरवणूक काढण्यात आली.
कुडाळच्या मतदारांनी राणेंना त्यांची जागा दाखवून दिली: वैभव नाईक
कुडाळच्या मतदारांनी नारायण राणे आणि त्यांच्या मुलांना त्यांची जागा दाखवून दिल्याची टीका शिवसेना आमदार वैभव नाईक यांनी केली. कॉंग्रेस पक्ष स्वतंत्रपणे निवडणूक लढला असला तरी राज्यात महाविकासआघाडीचे सरकार आहे. त्यामुळे कॉंग्रेसच्या वरिष्ठ नेत्यांशी चर्चा करुन कुडाळ नगरपंचायतीत महाविकास आघाडीचा नगराध्यक्ष आणि उपनगराध्यक्ष बसवणार, असे वैभव नाईक यांनी सांगितले.